បរទេស៖ នៅក្នុងកម្មវិធីកាលពីថ្ងៃអាទិត្យពេលព្រឹករបស់ CBS នៅថ្ងៃទី ២០ ខែកញ្ញានេះ អ្នកចំរៀងប៉ុប Lady Gaga ដែលមានឈ្មោះពិតគឺ Stefani Germanotta បានទម្លាយអារម្មណ៍អំពីដំណើរនៃការតស៊ូរបស់នាងក្នុងការស្វែងរកខ្លួនឯងម្តងទៀត បន្ទាប់ពីនាងបានដឹងថាខ្លួននាងបានផ្លាស់ប្តូរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង ត្រូវបានគេស្គាល់ថាជា Lady Gaga មានអ្នកគាំទ្ររាប់លាននាក់នៅជុំវិញពិភពលោកប៉ុន្តែតារាចម្រៀងស្រីរូបនេះបាននិយាយថានាងមានអារម្មណ៍ថាមានសម្ពាធនិងធុញទ្រាន់នឹងកេរ្តិ៍ឈ្មោះរបស់នាង អស់រយៈពេលជាច្រើនឆ្នាំ។ តារាសម្តែងក្នុងរឿង«The Star Is Born» បានសារភាពថា៖
ខ្ញុំមិនអាចសូម្បីតែទៅទិញគ្រឿងទេសបាន។ ជាធម្មតាខ្ញុំមិនអាចទៅញ៉ាំអាហារពេលល្ងាចជាមួយគ្រួសារខ្ញុំបានទេ។ រាល់ពេលគ្រប់ពេលដែលខ្ញុំត្រូវទៅណា ត្រូវបានគេកត់សម្គាល់។ ខ្ញុំស្អប់ប្រជាប្រិយភាព។ ខ្ញុំស្អប់ធ្វើជាតារា។ ខ្ញុំមានអារម្មណ៍ថាហត់នឿយណាស់។
មិនត្រឹមតែប៉ុណ្ណោះ តារាស្រីរូបនេះ បានបង្ហើបថាមាន «គំនិតធ្វើអត្តឃាតរាល់ថ្ងៃ» ដោយបានបន្ថែមទៀតថា នាងពិតជាយល់ហេតុអ្វីរូបនាងគួររស់នៅធ្វើអ្វី វាអស់រយៈពេលប្រហែលជា ២ ឆ្នាំហើយមនុស្សគ្រប់គ្នានៅក្នុងផ្ទះត្រូវឃ្លាំមើលនាងដើម្បីធានាថាមានសុវត្ថិភាព មិនព្យាយាមធ្វើបាបខ្លួនឯង។
តែយ៉ាងណាមិញ តារាស្រីវ័យ៣៤ឆ្នាំរូបនេះ បានធ្វើបទចំរៀងជាច្រើនក្នុងអាលប៊ុមចុងក្រោយ ដែលបង្ហាញពីភាពខ្មៅងងឹតនៃជីវិតគឺដូចជាដំណើរជីវិតរបស់នាង ដើម្បីស្វែងរកខ្លួនឯង ដើម្បីរៀនស្រឡាញ់ខ្លួនឯងម្តងទៀត។
មិនត្រឹមតែប៉ុណ្ណោះ តារាស្រីរូបនេះបាននិយាយថា រូបនាងកើតមកផលិតតន្រ្តី ហើយថាទោះបីជាមានសម្ពាធដ៏លើសលប់ពីសំណាក់មជ្ឈដ្ឋានជុំវិញខ្លួន ក៏ដោយនាងនឹងនៅតែបន្តបង្កើតតន្រ្តីរហូតដល់ដង្ហើមចុងក្រោយរបស់នាង៕
សូមទស្សនារូបខាងក្រោម៖
Bong I.T