បុរសជាឪពុក ដែលវាយកូនស្រី ដូចសត្វធាតុ ពេលនេះ សមត្ថកិច្ចចាប់បានហើយ

ស្វាយរៀង៖ កាលពីពេលថ្មីៗនេះ មានរឿងផ្ទុះថ្មីកើតឡើង ដែលបុរសជាឪពុក បានប្រើបអំពើហិង្សាវាយដំ ទៅលើកូនស្រីបង្កើតយ៉ាងចាស់ដៃ។ ដោយហេតុការណ៍នេះកើតឡើងចាប់តាំងពីថ្ងៃទី ១៣ ខែ កញ្ញា ឆ្នាំ២០២០ កន្លងទៅថ្មីៗនេះ ស្ថិតក្នុងក្រុងបាវិត ខេត្តស្វាយរៀង។

ក្រោយអ្នកលេងបណ្ដាញសង្គមជាច្រើន បានឃើញនៅវីដេអូ ឪពុកបង្កើតវាយធាក់លើកូនស្រីយ៉ាងដូច្នេះរួច មានមហាជនជាច្រើនបានរិះគន់ ទៅលើរូបឪពុកដែលជាជនបង្កនោះយ៉ាងចាស់ដៃ រហូតសំណូមពរ ឲ្យចាប់ខ្លួនឲ្យបានទៀតផង។ ក្នុងនោះដែរ បន្ទាប់ពីវីដេអូនោះ ត្រូវបានចែកចាយលើបណ្ដាញសង្គមតៗគ្នារួចមក ខាងសមត្ថកិច្ចក៏បានធ្វើវិធានការណ៍ចាប់កម្លាំងទៅចាប់បុរសជាឪពុកមកសួរនាំ និងកសាងសំណុំរឿងចាត់ការបន្ដតាមនីតិវិធីផ្លូវច្បាប់ផងដែរ។

ក្រោយខាងសមត្ថកិច្ចឃើញនៅវីដេអូនេះរួច ក៏បានចុះទៅចាប់ខ្លួនជនបង្ក នៅថ្ងៃទី ២១ ខែកញ្ញា ឆ្នាំ២០២០ នេះ  ដើម្បីចាត់វិធានការលើបុរសជាឪពុកនេះ ទៅតាមផ្លូវច្បាប់ ពីបទករណីប្រើប្រាស់ហិង្សាដោយចេតនា ដែលបុរសរូបនេះ មានឈ្មោះ ចាន់ ចំរើន ភេទប្រុស អាយុ ៤៤ឆ្នាំ មានទីលំនៅភូមិថ្មី សង្កាត់ច្រកម្ទេស ក្រុងបាវិត ខេត្តស្វាយរៀង៕

សូមទស្សនារូបភាពខាងក្រោម៖