បរទេស៖ យោងតាមសារព័ត៍មានបរទេសមួយបានផ្សាយថា តារាចម្រៀងរ៉េបស្បែកខ្មៅ Kanye West បានរត់មកឲ្យ អតីតមិត្តភក្តិជិតស្និទ្ធ Taylor Swift ឲ្យជួយខណៈពេលដែលរូបគេកំពុងជួបទុក្ខប៉ុនភ្នំដោយសារតែ មានបញ្ហាជាមួយនឹងកិច្ចសន្យាស្ទូឌីយោដែលរូបគេកំពុងតែនៅជាមួយសព្វថ្ងៃនេះ។

ជាការពិតណាស់ ទំនាក់ទំនងរវាង តារាទាំងពីរដួងនេះគឺចាប់ផ្តើមជាមិត្តភក្តិនិង ឈានដល់សត្រូវក្នុងឆ្នាំ២០០៩ ដែល Taylor Swift បានទទួលពាន នៅក្នុងកម្មវិធី MTV Video Music Awards ដោយពេលនោះ Kanye West បានមកនិយាយថា Beyonce ជាមនុស្សសាកសមនឹងទទួលពាននេះទៅវិញ ធ្វើឲ្យសង្គ្រាមកើតឡើង ប៉ុន្តែរូបគេបានពន្លត់ភ្លើងនេះវិញ​ ដោយធ្វើការសុំទោសជាសាធារណៈ និងជូនបាច់ផ្កាយ៉ាងស្រស់ស្អាតថែមទៀតផង ប៉ុន្តែអ្វីៗមិនបានរលូនទៅមុខដូចការរំពឹងនោះទេ ដោយ ជម្លោះក៏ចាប់ផ្តើមម្តងទៀត នៅក្នុងឆ្នាំ២០១៧ រហូតធ្វើឲ្យពួកគេនៅតែពាក់មុខយក្សដាក់គ្នាមកទល់បច្ចុប្បន្ននេះ។

ដោយឡែក ទោះបីជម្លោះបានស្ងាត់ក៏ពិតមែន ប៉ុន្តែអតីតមិត្តភក្តិជិតស្និទ្ធមួយគូនេះ នៅតែចិញ្ចឹមចិត្តមិននិយាយរកគ្នា សោះឡើយ រហូតដល់ពេលប៉ុន្មានថ្ងៃមុននេះ Kanye West មានបញ្ហាកម្មសិទ្ធបញ្ញា ទាក់ទងនឹងបទចម្រៀងរបស់គេជាមួយនឹងក្រុមហ៊ុន Universal ទើបតារាសម្តែងស្បែកខ្មៅរូបនេះ ទាល់តម្រិះស្រែករកជំនួយពី តារាចម្រៀង Taylor Swift ព្រមទាំង Paulនិង Drake ដើម្បីមកជួយអន្តារាគមន៍ចំពោះរឿងនេះផងដែរ។

ក្រោយពីបានឃើញដូច្នេះអ្នកគាំទ្រ របស់ Taylor Swift បានបង្ហាញការខឹងសម្បារចំពោះតារារ៉េប Kanye West យ៉ាងខ្លាំង​ចំពោះទង្វើររបស់គេ ដែលតែងតែមករកជំនួយពីតារាស្រីរូបនេះនៅពេលមានបញ្ហារួចហើយ ក៏វាយប្រហារវិញនៅពេលខ្លួនបានដល់ត្រើយវិញផងដែរ៕

សូមចូលមើលរូបភាពខាងក្រោម៖

Kanye West
Kanye West
Drake
Drake
Taylor Swift 
Taylor Swift 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]