អីយ៉ាស់! PSG កំពុងចាប់អារម្មណ៍ចង់ទិញយកខ្សែបម្រើរបស់ Spurs រូបនេះ

បរទេស៖ អនាគតរបស់កីឡាករ Dele Alli ជាមួយក្លិប Tottenham Hotspur កំពុងតែមានភាពស្រពេចស្រពិលកាន់តែខ្លាំងហើយ ក្រោយគ្មានឈ្មោះក្នុងបញ្ជីកីឡាកររបស់លោកគ្រូបង្វឹក Jose Mourinho ពេលប៉ះជាមួយក្លិប Southampton កាលពីយប់មិញនេះ។ 

ស្របពេលជាមួយគ្នានេះដែរ មានក្លិបធំៗនៅក្នុងទ្វីបអឺរ៉ុបមិនតិចទេដែលចង់ទិញរូបគេចេញពី Spurs នៅក្នុងទីផ្សារដោះដូរកីឡាកររដូវក្ដៅនេះ។ ក្នុងនោះក្លិប Paris Saint-Germain កំពុងតែមានចំណាប់អារម្មណ៍ខ្លាំងក្នុងការនាំយកតារាវ័យ២៤ឆ្នាំ ទៅលេងនៅលីគកំពូលបារាំង។ 

យ៉ាងណាមិញមិនទាន់មានការសម្រេចចិត្តណាមួយពី Alli ក៏ដូចជាថ្នាក់ដឹកនាំក្លិប Spurs នៅឡើយទេ ប៉ុន្តែបើតាមរបាយការណ៍បានឲ្យដឹងថាក្លិបលោក Jose Mourinho មួយនេះអាចនឹងសម្រេចចិត្តដាក់លក់រូបគេនៅពេលដ៏ខ្លីខាងមុខនេះ។ គួរឲ្យដឹងដែរថា Alli នៅសល់កុងត្រាជាមួយ Spurs រហូតដល់ឆ្នាំ២០២៤​ ឯណោះ ប៉ុន្តែមួយរយៈពេលចុងក្រោយនេះរូបគេមិនសូវបានជាប់ឈ្មោះជាជម្រើស១១នាក់ដំបូងរបស់លោក Jose Mourinho ឡើយ៕​

ប្រភព៖ skysports