បរទេស៖ ថ្មីៗនេះ ក្រោយពីតារាសម្តែងជើងចាស់ Robert Downey Jr ​បានសម្រេចដើរចេញ ដោយព្យួរអាវតួអង្គ Iron រួចមក ក្រុមហ៊ុន Marvel បានសម្តែងការចាប់អារម្មណ៍ទៅលើបុរសសង្ហាកូន៣ Tom Cruise​ មកជំនួសតួអង្គនេះវិញម្តង។

ដោយឡែក ក្រុមហ៊ុន Marvel ចង់ឲ្យ Tom Cruise សម្តែងជាតួអង្គ Iron Man ដោយសារកិច្ចសន្យាលោក Robert Downey Jr និងក្រុមហ៊ុនមួយនេះបានបញ្ចប់ជាមួយគ្នារួចស្រេចទៅហើយ ប៉ុន្តែមិនទាន់មានការឆ្លើយតបពីតារាសម្តែងពោះម៉ាយកូន៣ នេះឡើយ។

ក្រោយពីហ្វេនៗជាច្រើ​នបានដឹងពីដំណឹងនេះរួចមក ហ្វេនជាច្រើនបានសម្តែងការសប្បាយនិង រំភើបក្នុងផងដែរ ដោយឃើញតួអង្គថ្មីជាតារាសម្តែង Tom Cruise នោះ ប៉ុន្តែក្នុងនោះ ក៏មានចំនួនទៀតបានបង្ហាញនូវការខកចិត្តដែរ នូវការសម្រេចការជ្រើសរើសតួអង្គថ្មីមួយនេះ ដោយពួកគេយល់ថាគ្មានអ្នកណាសាកសមនឹងស្លៀកសំលៀកបំពាក់ Iron Man ជាងលោក Robert Downey Jr នោះទេ។

យ៉ាងណាមិញចំពោះរឿងមួយនេះ មិនអាចក្លាយជាការពិតទាំងស្រុងនោះទេ ដោយសារខណៈពេល សព្វថ្ងៃនេះតម្លៃខ្លួនរបស់ Tom Cruise ក៏ឡើងកប់ពពកដែរ ដោយ​ហាងឆេងតារាចាស់វស្សានេះ អាចស្ថិតក្នុងចន្លោះ ពី៧៥លានដុល្លារ រីក៏អាចនឹងលើសពី១០០លានដុល្លារតិចតួចផងដែរ៕

សូមចូលមើលរូបភាពខាងក្រោម៖

Tom Cruise 
Tom Cruise 
Tom Cruise 
Tom Cruise 
Iron Man
Robert Downey Jr  សម្តែងជាតូអង្គ Iron Man ជាលើកចុងក្រោយ 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]