មិនបាច់ប៊្រេនៗ ខួបសង្សារឆ្នាំនេះ Mai Davikah ធ្វើឡើងសាមញ្ញៗ តែក្ដីសុខខ្លាំង

ថៃ៖ ថ្មីៗនេះ ក្នុងវិស័យឧស្សាហកម្មថៃ មានគូស្នេហ៍តារាល្បីៗជាច្រើនគូ តែងតែបង្ហោះរូបភាពល្អែមល្ហែមជាមួយគ្នាជារឿយៗ និងបានចំណាយពេលរួមគ្នា ជាមួយជីវិតឯកជនរបស់ពួកគេ ទៅដល់ហ្វេនក្លឹប មិនថា នៅក្នុងសិល្បៈ ឬក៏ក្រៅជាដើម។

ដោយឡែក បើក្រឡេកមើល ទំនាក់ទំនងស្នេហារបស់កំពូលតារាសម្ដែងស្រីប្រុស ល្បីឈ្មោះប្រចាំប្រទេសថៃ ពោលគឺលោក​ Ter Chantavit និង Mai Davikah ជាគូស្នេហ៍អ្នកសិល្បៈដូចគ្នារូបនេះ តែងតែចំណាយពេលខ្លះរបស់ពួកគេសាងអនុស្សាវរីយ៍ជាមួយគ្នាជានិច្ច។

ជាក់ស្តែង កាលពីម្សិលមិញ ជាថ្ងៃខួបកំណើត តារាសម្តែងប្រុសពូកែខាងក្រមិចក្រមើមលោក Ter ដោយក្នុងនោះ តារាសម្តែងស្រីរូបនេះ បានបង្ហោះនូវរូបថតដ៏សែនសាមញ្ញ ប៉ុន្តែជាលក្ខណៈស្វីតមួយសន្លឹក ដែលបង្ហាញពីទំហំស្រលាញ់ ជាមួយនំខេកមួយ ដែលមើលទៅពិតជាមានក្តីសុខខ្លាំងមែនទែន។
នៅក្នុងនោះដែរ មើលទៅពិតជាមានសេចក្ដីសុខ និងមានភាពផ្អែមល្ហែមតែម្តង មិនត្រឹមតែប៉ុណ្ណោះ ជាមួយទឹកមុខ​បង្ហាញភាពសប្បាយរីករាយយ៉ាងខ្លាំងរបស់អ្នកទាំងពីរ យើងអាចសង្កេតឃើញថា តែងតែបង្ហាញសកម្មភាពយ៉ាងស្និទ្ធស្នាលជាមួយគ្នា និងផ្ដល់ពេលវេលាចំពោះគ្នាជានិច្ច​យ៉ាងសាមញ្ញបែបនេះ៕

សូមទស្សនារូបខាងក្រោម៖