កម្សាន្ត៖ នេះគឺជាការច្នៃប្រឌិតថ្មីមួយ ទៅលើម្ហូបអាហារ សម្រាប់អ្នកចូលចិត្តញ៉ាំ ផាសស្តា(Pasta) ជាមួយនឹងឈីស អាចសាកល្បងតាមវិធីខាងក្រោមបាន៖ 

ផាសស្តាឈីស

គ្រឿងផ្សំ៖ Macaroni (Pasta) ២ ពែង   ម្សៅ(Flour) ២ ស្លាបព្រាបាយ   ទឹកដោះគោ ១ពែងកន្លះ   ឈីស Cheddar ១ពែងកន្លះដែលឈូសជាដុំល្អិតៗរួច 

របៀបធ្វើ៖ 

១. ជាដំបូងដាក់ឆ្នាំង ដាំទឹក ស្ងោរ Macaroni(Pasta)  រយៈពេល ៩ នាទី ឲ្យឆ្អិនល្មម រួចច្រោះទឹកចេញទុកមួយឡែក 

២. បន្ទាប់មកទៀត យកចានមួយមកលាយគ្រឿងផ្សំមួយចំនួនទៀតដូចជា ម្សៅ(Flour)  ទឹកដោះគោកន្លះពែង  រួចហើយកូរវាឲ្យរលាយចូលគ្នាសព្វ

៣. បន្ទាប់មក ដាក់ខ្ទះមួយ  រួចចាក់ទឹកដោះគោ ១ ពែងចូលទៅ ដាក់ដាំក្នុងកម្ដៅល្មម (គ្រាន់តែធ្វើឲ្យទឹកដោះគោក្ដៅ តែមិនឲ្យពុះ) រួចហើយ ដាក់ទឹកដោះគោដែលលាយជាមួយនឹងម្សៅមុននេះចូលទៅ បន្ទាប់មកកូរវារហូតដល់ ឡើងខាប់ និងស្អិតបន្តិច ដែលប្រើរយៈពេល ៣ ទៅ ៤ នាទី 

៤. បន្ទាប់ពីទឹកដោះគោឡើងខាប់ហើយ ត្រូវបិទចង្រ្កាន រួចហើយ យក ឈីស Cheddar ដាក់ចូល រួចហើយកូររហូតទាល់តែ ឈីស រលាយចូលគ្នាសព្វល្អ ប្រហែលជា ១​នាទី 

៥.  បន្ទាប់ពី ឈីស និងទឹកដោះគោរលាយចូលគ្នាសព្វល្អហើយ យក Macaroni ដែលបានចម្អិនរួចដាក់ចូល រួចហើយកូរឲ្យសព្វ និងជាចុងក្រោយ រោយអំបិលបន្តិច និង ម្រេចបន្តិច ហើយកូរវាឲ្យសព្វម្ដងទៀត ជាការស្រេច៕​ 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ