វ៉ាស៊ីនតោន៖ ប្រធានាធិបតីសហរដ្ឋអាមេរិក លោក ដូ ណាល់ត្រាំ បានគំរាមថាទីក្រុងវ៉ាស៊ីនតោននឹងឆ្លើយតបវិញ ចំពោះការវាយប្រហារណាមួយរបស់អុីរ៉ង់ ដែលអាចធ្វើឡើងដើម្បីសងសឹងឲ្យមេបញ្ជាកងបដិវត្តអុីស្លាម គឺលោក ឧត្ដមសេនីយ៍ត្រី Qassem Soleimani ដែលបានស្លាប់ដោយការវាយប្រហាររបស់យន្តហោះគ្មានមនុស្សបើកអាមេរិក កាលពីថ្ងៃទី០៣ ខែមករា ឆ្នាំ២០២០ នាអាកាសយានដ្ឋានក្នុងទីក្រុងបាកដាត ប្រទេសអុីរ៉ាក់។
លោក ត្រាំ បានសរសេរនៅលើគណនី Twitter នាថ្ងៃទី១៥ ខែកញ្ញានេះ ដោយសង្កត់ធ្ងន់ថា៖
គួរបញ្ជាក់ថា លោក ត្រាំ បានបង្ហោះសារយ៉ាងដូច្នេះ បន្ទាប់ពីមានសេចក្ដីរាយការណ៍របស់កាសែត Politico ដោយដកស្រង់សម្ដីពីសន្ដិសុខអាមេរិកថា រដ្ឋាភិបាលអុីរ៉ង់កំពុងពិចារណា ប៉ុនប៉ង់ធ្វើឃាតឯកអគ្គរដ្ឋទូតសហរដ្ឋអាមេរិកប្រចាំសាធារណរដ្ឋអាហ្វ្រិកខាងត្បូង គឺលោកស្រី Lana Marks ។ ទីភ្នាក់ងារស៊ើបការណ៍សម្ងាត់អាមេរិក បានដឹងអំពីការគំរាមកំហែងនេះ កាលពីនិទាឃរដូវ ប៉ុន្ដែកាលពីប៉ុន្មានសប្ដាហ៍មុននេះ មានព័ត៌មានជាក់លាក់បន្ថែមទៀត អំពីការវាយប្រហារនាពេលខាងមុខ។
យ៉ាងណាមិញ អ្នកនាំពាក្យក្រសួងការបរទេសអុីរ៉ង់ លោក Saeed Khatibzadeh បានច្រានចោលការអះអាងរបស់កាសែត Politico ថាគ្មានមូលដ្ឋាននោះទេ ហើយលោកយល់ថា វាជាការផ្សព្វផ្សាយព័ត៌មានមិនពិតរបស់រដ្ឋបាល លោក ត្រាំ ដើម្បីប្រឆាំងនឹងប្រទេសអុីរ៉ង់៕
According to press reports, Iran may be planning an assassination, or other attack, against the United States in retaliation for the killing of terrorist leader Soleimani, which was carried out for his planning a future attack, murdering U.S. Troops, and the death & suffering...
— Donald J. Trump (@realDonaldTrump) September 15, 2020
...caused over so many years. Any attack by Iran, in any form, against the United States will be met with an attack on Iran that will be 1,000 times greater in magnitude!
— Donald J. Trump (@realDonaldTrump) September 15, 2020
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
