វ៉ាស៊ីនតោន៖ ប្រធានាធិបតីសហរដ្ឋអាមេរិក លោក ដូ ណាល់ត្រាំ បានគំរាមថាទីក្រុងវ៉ាស៊ីនតោននឹងឆ្លើយតបវិញ ចំពោះការវាយប្រហារណាមួយរបស់អុីរ៉ង់ ដែលអាចធ្វើឡើងដើម្បីសងសឹងឲ្យមេបញ្ជាកងបដិវត្តអុីស្លាម គឺលោក ឧត្ដមសេនីយ៍ត្រី Qassem Soleimani ដែលបានស្លាប់ដោយការវាយប្រហាររបស់យន្តហោះគ្មានមនុស្សបើកអាមេរិក កាលពីថ្ងៃទី០៣ ខែមករា ឆ្នាំ២០២០ នាអាកាសយានដ្ឋានក្នុងទីក្រុងបាកដាត ប្រទេសអុីរ៉ាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក ត្រាំ បានសរសេរនៅលើគណនី Twitter នាថ្ងៃទី១៥ ខែកញ្ញានេះ ដោយសង្កត់ធ្ងន់ថា៖
គួរបញ្ជាក់ថា លោក ត្រាំ បានបង្ហោះសារយ៉ាងដូច្នេះ បន្ទាប់ពីមានសេចក្ដីរាយការណ៍របស់កាសែត Politico ដោយដកស្រង់សម្ដីពីសន្ដិសុខអាមេរិកថា រដ្ឋាភិបាលអុីរ៉ង់កំពុងពិចារណា ប៉ុនប៉ង់ធ្វើឃាតឯកអគ្គរដ្ឋទូតសហរដ្ឋអាមេរិកប្រចាំសាធារណរដ្ឋអាហ្វ្រិកខាងត្បូង គឺលោកស្រី Lana Marks ។ ទីភ្នាក់ងារស៊ើបការណ៍សម្ងាត់អាមេរិក បានដឹងអំពីការគំរាមកំហែងនេះ កាលពីនិទាឃរដូវ ប៉ុន្ដែកាលពីប៉ុន្មានសប្ដាហ៍មុននេះ មានព័ត៌មានជាក់លាក់បន្ថែមទៀត អំពីការវាយប្រហារនាពេលខាងមុខ។
យ៉ាងណាមិញ អ្នកនាំពាក្យក្រសួងការបរទេសអុីរ៉ង់ លោក Saeed Khatibzadeh បានច្រានចោលការអះអាងរបស់កាសែត Politico ថាគ្មានមូលដ្ឋាននោះទេ ហើយលោកយល់ថា វាជាការផ្សព្វផ្សាយព័ត៌មានមិនពិតរបស់រដ្ឋបាល លោក ត្រាំ ដើម្បីប្រឆាំងនឹងប្រទេសអុីរ៉ង់៕