ម្នាក់ទៀតហើយ! តារាសម្តែងស្រីជប៉ុនម្នាក់បានមរណភាព ដែលគេសង្ស័យថា ជាករណីធ្វើអត្តឃាត!

ជប៉ុន៖ កាលពីថ្មីៗនេះ មានសារព័ត៌មានាបានរាយការណ៍មក តារាសម្តែងស្រីជប៉ុន Sei Ashina បានទទួលមរណភាពក្នុងវ័យ៣៦ឆ្នាំ នៅក្នុងផ្ទះរបស់នាង ដោយគេបានសន្មត់ ហើយ សន្និដ្ឋានថា ជាករណីធ្វើអត្តឃាត។ 

ទីភ្នាក់ងាររបស់តារាសម្តែងស្រីរូបនេះ បានបញ្ជាក់ថានាងត្រូវបានគេរកឃើញថាស្លាប់ ហើយប៉ូលីសកំពុងតែបន្តស៊ើបអង្កេតលើករណីនេះ ដូចសេចក្តីរាយការណ៍របស់ប្រព័ន្ធផ្សព្វផ្សាយជប៉ុនបានចុះផ្សាយផងដែរ ដែលគេបានជឿជាក់ថានាងបានស្លាប់ ដោយការធ្វើអត្តឃាត។ 

យ៉ាងណាមិញ គ្មានអ្វីដែលជាមន្ទិលសង្ស័យលើករណីនេះ ដែលគេសង្ស័យថាជាឃាតកម្មនោះទេ បើតាមសេចក្តីរាយការណ៍របស់ប៉ូលីស។ គួរបញ្ជាក់ផងដែរថា នាងត្រូវបានគេរកឃើញថាស្លាប់ បន្ទាប់ពីសាច់ញាតិម្នាក់មិនអាចទាក់ទងជាមួយនាងបាន។

សូមចូលរួមរំលែកទុក្ខដ៏ក្រៀមក្រំ ចំពោះគ្រួសារសព!