យ៉េរូសាឡឹម៖ នាយករដ្ឋមន្រ្តី​អ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu)​ បាន​ថ្លែងកាលពីថ្ងៃអាទិត្យ ទី ១៣ ខែកញ្ញាថា ប្រទេសអ៊ីស្រាអែល​​ទាំងមូលនឹងត្រូវប្រកាសវិធានការបិទទ្វារប្រទេសរយៈពេល ៣សប្តាហ៍ ​​ដែលនឹងចាប់ផ្តើមពីថ្ងៃសុក្រសប្តាហ៍នេះ ដើម្បីទប់ស្កាត់​រលកទី២ នៃជំងឺរាតត្បាតកូវីដ១៩។

លោក បេនចាមីន ណេតាន់យ៉ាហ៊ូ

​អំឡុងពេលវិធានការបិទទ្វារប្រទេសនេះ ពលរដ្ឋអ៊ីស្រាអែលទាំងអស់នឹងមិនត្រូវអនុញ្ញាតឱ្យធ្វើដំណើរចេញឆ្ងាយពីផ្ទះលើស​ ៥០០ម៉ែត្រនោះ​ឡើយ។ សាលារៀន​ ក៏ដូចជាហាងនានានឹងត្រូវបិទទ្វារ ប៉ុន្តែផ្សារទំនើប និងឱសថស្ថាននឹងនៅតែបើកដំណើរការដដែល។ វិស័យសាធារណៈនឹង​ត្រូវអនុញ្ញាតឱ្យបើកដំណើរការជាមួយចំនួនបុគ្គលិកតិចជាងមុន ​ចំណែក​ការិយាល័យអង្គការក្រៅរដ្ឋាភិបាល រួមទាំងការិយាល័យអាជីវកម្ម​ នឹងមិនចាំបាច់ត្រូវបិទទ្វារឡើយ ប្រសិនបើ​មិនមានផ្តល់សេវាកម្មទទួលអតិថិជន។ បន្ថែមពីនេះ នៅតាមទីកន្លែងផ្សេងៗទៀត នឹងមិនអនុញ្ញាតឱ្យមានការជួបជុំគ្នាលើសពី ២០នាក់ឡើយ។

ពលរដ្ឋអ៊ីរស្រាអែលនឹងមិនអនុញ្ញាតឱ្យមានការជួបជុំលើសពី ២០នាក់ឡើយ

គួរឱ្យដឹងដែរថា អ៊ីស្រាអែលធ្លាប់ចេញវិធានការបិទទ្វារប្រទេសម្តងរួចទៅហើយកាលពីខែមេសា។ ប៉ុន្តែនៅពេលករណីឆ្លងបានថយចុះ ហើយរដ្ឋាភិបាលបើកទ្វារប្រទេសស្តាសេដ្ឋកិច្ចជាតិឡើងវិញ ស្រាប់តែករណីឆ្លងថ្មីបានកើនខ្លាំងជាបន្តបន្ទាប់ ដែលគិតរហូតមកពេលនេះ អ៊ីស្រាអែលមានជំងឺកូវីដ១៩ជាង ១៥ម៉ឺននាក់ និងអ្នកស្លាប់ជាង១ពាន់នាក់៕

វិធានការបិទទ្វារប្រទេសនេះ នឹងធ្វើឡើងចំរដូវពិធីបុណ្យ Jewish

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]