នេប៉ាល់៖ ការរអិលបាក់ដីនៅក្នុងប្រទេសនេប៉ាល់កាលពីថ្ងៃអាទិត្យ បានសម្លាប់មនុស្សយ៉ាងហោចណាស់១១នាក់ និង២០នាក់ផ្សេងទៀតកំពុងបាត់ខ្លួននៅឡើយ នេះបើយោងតាមរដ្ឋាភិបាលរបស់ប្រទេសនេះ។ ការបាក់ដីដែលបណ្ដាលមកពីភ្លៀងធ្លាក់ខ្លាំង នៅស្រុក Sindhupalchok ក៏បានធ្វើឲ្យមនុស្ស៥នាក់រងរបួស និងបំផ្លាញផ្ទះអស់១១ខ្នងផងដែរ។

ភ្លៀងមូសុងនៅក្នុងតំបន់បង្កឲ្យមានទឹកជំនន់និងការបាក់ដីយ៉ាងធ្ងន់ធ្ងរ នៅនេប៉ាល់ ឥណ្ឌា និងបង់ក្លាដែស ក្នុងខែសីហា។ ដោយមានទីតាំងស្ថិតនៅក្បែរព្រំប្រទល់នេប៉ាល់-ចិន ស្រុក Sindhupalchok ទើបតែទទួលរងគ្រោះនៃការរអិលបាក់ដី នៅក្នុងឆ្នាំនេះ។

របាយការណ៍អំពីការកាត់បន្ថយគ្រោះមហន្តរាយនេប៉ាល់រាយការណ៍ថា មានករណីបាក់ដីចំនួន១៧ដែលបានសម្លាប់មនុស្ស យ៉ាងហោចណាស់៥៥នាក់ ក្នុងឆ្នាំ២០២០៕

ការរអិលបាក់ដីនៅនេប៉ាល់
ការរអិលបាក់ដីនៅនេប៉ាល់

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]