ភ្នំពេញ៖ បច្ចុប្បន្ន កំពូលតារាចម្រៀងប្រុសដ៏ល្បីប្រចាំប្រទេស កម្ពុជា លោក ព្រាប សុវត្ថិ បានផ្លាស់ប្ដូរផលិតកម្ម ចុះកុងត្រាជាមួយផលិតកម្មថ្មី Galaxy Navatra ធ្វើឲ្យអ្នកគាំទ្រមានការភ្ញាក់ផ្អើលយ់ាងខ្លាំង។ បន្ទាប់ពីមកនៅក្នុងផលិតកម្មថ្មីនេះរួច ពេលនេះតារារូបនេះ បានចេញបទផ្ទាល់ខ្លួនចំនួនពីរបទហើយ ដោយបទទាំងនោះសុទ្ធសឹងតែមានការគាំទ្រច្រើនពីមហាជន និងហ្វេនៗ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បទថ្មីទីពីររបស់លោក ព្រាប សុវត្ថិ ទើបតែចេញបានប៉ុន្មានម៉ោងមុនប៉ុណោះ ដែលបទមួយនោះមានចំណងជើងថា "ភូមិខ្ញុំ Update" ម្យ៉ាងវិញទៀត បើទោះបី ទើបតែចេញមិនបានប៉ុន្មានម៉ោងក៏ពិតមែនតែចំនួនអ្នកចៅលមើលរហូតដល់ជាងមួយសែននាក់។ ហើយបទថ្មីនោះដែរ ស្ដាប់ទៅពិតជាពិរោះខ្លាំងទាំង សាច់ភ្លេង និងទំនុងច្រៀង ជាពិសេស កាយវិការគឺមានភាពរស់រវើកច្បាស់ត្រជាក់ភ្នែកតែម្ដង។
ជាក់ស្ដែង បទថ្មី "ភូមិខ្ញុំ Update" ជាស្នាដៃតែងនិពន្ធ Melody និងទំនុងច្រៀងដោយ កញ្ញា តន់ ច័ន្ទសីម៉ា ដែលជាតារាចម្រៀងប្រចាំផលិតកម្ម Galaxy Navatra ផ្ទាល់។ ក្នុងនោះដែរ ទោះបី តារាចម្រៀងស្រីរូបនេះចេះច្រៀងរាំ តែនាងនៅមានសមត្ថភាពអាចនិពន្ធបទចម្រៀងបានយ៉ាងល្អថែមទៀតផង។ ក្រោយអ្នកគាំទ្របានដឹងថាបទចម្រៀងទីពីររបស់ លោក ព្រាប សុវត្ថិ ជាស្នាដៃនិព្ធដោយ កញ្ញា តន់ ច័ន្ទសីម៉ា រួចហ្វេនៗនាំគ្នាសរសើរពីតារាចម្រៀងស្រីវ័យក្មេងរូបនេះគ្រប់ៗគ្នាសឹងតែមិនដាច់បីមាត់៕
សូមទស្សនារូបភាពខាងក្រោម៖