លោក Solskjaer ដាក់ឲ្យ Greenwood ធ្វើការហ្វឹកហាត់ម្នាក់ឯងដោយសារតែមូលហេតុនេះ

អង់គ្លេស៖ នៅក្នុងព្រឹត្តការណ៍ UEFA Nations League ប៉ុន្មានថ្ងៃមុននេះ កីឡាករ Mason Greenwood ត្រូវបានកាត់ចេញពីក្រុមជម្រើសជាតិអង់គ្លេសភ្លាមៗជាមួយនឹងមិត្តរួមក្រុមម្នាក់ទៀតគឺកីឡាករ Phil Foden ក្រោយល្មើសបម្រាមការពារជំងឺកូវីដ១៩ ដោយបាននាំនារីសញ្ជាតិអ៊ីស្លង់២រូបចូលបន្ទប់សណ្ឋាគារ។

ដោយឡែកថ្មីៗនេះបន្ទាប់ពីត្រឡប់មកចូលរួមជាមួយក្លិប Manchester United វិញ Greenwood ត្រូវបានលោក Ole Gunnar Solskjaer បង្ខំចិត្តដាក់រូបគេឲ្យធ្វើការហ្វឹកហាត់ម្នាក់ឯង ដោយសារតែខ្លាចកីឡាកររូបនេះមានផ្ទុកជំងឺកូរីដ១៩។ ក្នុងនោះដែរកីឡាករវ័យ១៨ឆ្នាំ Greenwood នឹងអាចចូលរួមជាមួយមិត្តរួមក្រុមជាធម្មតាវិញនៅសប្តាហ៍ក្រោយ ប្រសិនបើធ្វើតេស្តគ្មានផ្ទុកជំងឺកូវីដ១៩ទេនោះ៕​

ប្រភព៖ caughtoffside