ថៃ៖ ប្រាកដណាស់មានហ្វេនៗជាច្រើនបានដឹងរួចហើយថា រវាង Ton និង Taew គឺបានដើរដល់ផ្លូវបំបែកអស់រយៈពេលប៉ុន្មានខែមកហើយ។ អ្នកទាំងពីរក៏បានបង្ហើបថា ចំពោះទំនាក់ទំនងជាសង្សារគឺគ្មានទៀតទេ អ្វីៗគឺបានបញ្ចប់អស់ហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងកាលពីពេលថ្មីៗនេះ Ton បានធ្វើការ Live វីដេអូក្នុងបណ្តាញសង្គម Instagram ផ្ទាល់ខ្លួន។ ភ្លាមៗនោះមានអ្នកគាំទ្រម្នាក់បានសួរថាមានម្ចាស់បេះដូងថ្មីឬនៅ? ស្រាប់តែលោកបានឆ្លើយថា បច្ចុប្បន្ននេះគឺមិនទាន់មាននរណាម្នាក់ក្នុងបេះដូងទេ ហើយក៏អត់ទាន់ប្រញាប់ដែរ។
គួរបញ្ជាក់ផងដែរថា សម្រាប់ Ton Arch ជាមួយនឹងតារាស្រីដ៏ល្បីឈ្មោះ Taew Natapohn មានទំនាក់ទំនងស្នេហ៍ជាមួយគ្នាអស់រយៈពេល ១៤ឆ្នាំមកហើយ។ ហើយកាលពីខែមេសា ឆ្នាំ២០២០ នេះ អ្នកទាំងពីរបានបង្ហាញជាសាធារណៈពីការបែកបាក់គ្នា។ ស្រាប់តែភ្លាមៗនោះ Taew ក៏ចាប់ផ្តើមបង្ហាញមុខបុរសម្នាក់គឺ Hi-So ដែលធ្វើឲ្យមហាជនសង្ស័យថាជាគូស្នេហ៍ថ្មី ប៉ុន្តែបែរជា Taew បដិសេធថា ត្រឹមតែមិត្តភក្តិនឹងគ្នាតែប៉ុណ្ណោះ គឺគ្មានអ្វីលើសពីនេះឡើយ៕
សូមទស្សនារូបភាពខាងក្រោមនេះ៖