អេស៉្បាញ៖ ក្រោយពីផ្លាស់ចេញពី Chelsea មករួមជាមួយ Real Madrid កាលពីរដូវកាលមុនមក កីឡាករ Eden Hazard រកបានតែមួយគ្រាប់ប៉ុណ្ណោះក្នុងការបង្ហាញខ្លួន១៦ប្រកួតឲ្យក្លិបអេស៉្បាញមួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយសារតែមានរបួសតាមរំខាន ទើបធ្វើឲ្យរូបគេខកខានចូលលេងឲ្យលោកគ្រូបង្វឹក Zinedine Zidane ជាច្រើនប្រកួត។ លើសពីនេះ Hazard មានបញ្ហាមួយទៀតគឺការឡើងទម្ងន់ ពោលនៅពេលដែលទើបតែផ្លាស់មក Real Madrid ថ្មីៗ កីឡាកររូបនេះលើសទម្ងន់រហូតដល់ទៅ៥គីឡូក្រាមឯណោះ ប៉ុន្តែរូបគេបានហាត់សម្រកបានវិញ។
ដោយឡែកថ្មីៗនេះ ក្រោយត្រឡប់មកពីជួយក្រុមជម្រើសជាតិបែលហ្ស៊ិកក្នុងព្រឹត្តិកាណ៍ UEFA Nations League វិញ Hazard បានធ្វើឲ្យលោកគ្រូបង្វឹក Zidane ខកចិត្តយ៉ាងខ្លាំងដោយសារតែរូបគេលើសទម្ងន់ម្តងទៀត។ ហើយសម្រាប់ការហាត់សម្រកវិញ ខ្សែប្រយុទ្ធវ័យ២៩ឆ្នាំរូបនេះត្រូវចំណាយពេលយ៉ាងហោចណាស់ក៏២ទៅ៣សប្តាហ៍ដែរ។
គួរឲ្យបញ្ជាក់ថាក្នុងការវគ្គចែកពូលជុំទីមួយនៃពានរង្វាន់ Nations League ប៉ុន្មានថ្ងៃមុននេះ Hazard មិនបានចូលលេងឲ្យបែលហ្ស៊ិកសូម្បីតែមួយប្រកួត គឺបានត្រឹមទៅចូលរួមអង្គុយកៅអីបម្រុងប៉ុណ្ណោះ។ យ៉ាងណាមិញនៅក្នុងពីរប្រកួតនោះ បែលហ្ស៊ិកឈ្នះទាំង២ មាន៦ពិន្ទុឈរនៅកំពូលតារាងពូល A2 ៕
ប្រភព៖ givemesport