អាមេរិក៖ ជាផ្នែកមួយនៃផែនការរបស់ខ្លួន ក្នុងការបញ្ជូនបុរសរួមទាំងស្ត្រីដំបូងគេទៅឋានព្រះចន្ទ នៅឆ្នាំ២០២៤ អង្គការណាសាកំពុងស្វែងរកទិញកំទេចធូលីពីឋានព្រះចន្ទខ្លះ។ ទីភ្នាក់ងារនេះបានបញ្ជាក់ថា ខ្លួននឹងបង់ប្រាក់ទៅឲ្យក្រុមហ៊ុនឯកជន ដើម្បីប្រមូលនូវធូលីនិងថ្មព្រះចន្ទតិចតួច។

អង្គការណាសាបានធ្វើការអំពាវនាវសុំឲ្យក្រុមហ៊ុននានាដាក់សំណើររបស់ពួកគេ និងថែមទាំងចង់ធ្វើការជាមួយក្រុមហ៊ុនក្រៅសហរដ្ឋអាមេរិកផងដែរ។ ណាសាតម្រូវឲ្យពួកគេ មានរូបថតនៃការទៅយក រូបធាតុដែលប្រមូលបាន និងទិន្នន័យទីតាំងផងដែរ។ រូបធាតុដែលប្រមូលបាននឹងក្លាយជាទ្រព្យសម្បត្តិតែមួយគត់របស់ណាសា ហើយទីភ្នាក់ងាររបស់ណាសាសង្ឃឹមថា នឹងទទួលបានសំណាកនេះ នៅឆ្នាំ២០២៤។

រូបតំណាងនៅលើឋានព្រះចន្ទ

ណាសាមានគម្រោងជាច្រើនទៀត នៅក្នុងការជួយរៀបចំបេសកកម្មឡើងទៅឋានព្រះចន្ទ នៅឆ្នាំ២០២៤ ក្នុងពេលខាងមុខ។ ណាសាក៏កំពុងធ្វើការរួមគ្នាជាមួយទីភ្នាក់ងារអវកាសអឺរ៉ុប ដើម្បីនាំយកសំណាកដីពីភពអង្គារត្រឡប់មកកាន់ភពផែនដីផងដែរ។ ហើយមិនតែប៉ុណ្ណោះ ក្រុម OSIRIS-REx របស់ណាសាក៏នឹងត្រូវបំពេញបេសកកម្ម ក្នុងការទៅយកសំណាកពីអាចម៍ផ្កាយមួយដែរ៕

វីដេអូពីបណ្ដាញសង្គម Twitter

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ


SPONSORED CONTENT