ផ្សែងភ្លើងឆេះព្រៃក្នុងរដ្ឋកាលីហ្វរញ៉ា បានធ្វើឲ្យផ្ទៃមេឃ ប្រែទៅជាពណ៌ទឹកក្រូច (មានវីដេអូ)

អាមេរិក៖ ផ្សែងអ័ព្ទដែលចេញពីភ្លើងឆេះព្រៃនៅរដ្ឋកាលីហ្វ័រញ៉ា បានកំពុងគ្របដណ្ដប់លើទីក្រុងសានហ្វ្រានស៊ីស្កូ ដែលបណ្ដាលឲ្យផ្ទៃមេឃក្នុងតំបន់នោះ ប្រែទៅជាពណ៌ទឹកក្រូច។

ជាក់ស្ដែង កាលពីថ្ងៃពុធ ខ្យល់បក់ខ្លាំងបានបក់ផ្សែង និងផេះចេញពីកន្លែងឆេះមួយចំនួន​នៅភាគខាងជើងនៃរដ្ឋកាលីហ្វ័រញ៉ា មកលើតំបន់ខ្លះក្នុងទីក្រុងសានហ្វ្រានស៊ីស្កូ បណ្ដាលឲ្យប្រជាជននៅទីនោះ និងតំបន់ជុំវិញផ្សេងទៀត មានការភាន់ច្រឡំនៅពេលភ្ញាក់ពីដំណេក ខណៈផ្ទៃមេឃងងឹតពុំមានពន្លឺព្រះអាទិត្យ ហើយអ្នកខ្លះយល់ថាជាពេលយប់ដដែល។

អ្នកស្រី Catherine Geeslin ដែលរស់នៅសង្កាត់ Portal ភាគខាងជើងទីក្រុងសានហ្វ្រានស៊ីស្កូ បានប្រាប់អ្នកកាសែតថា៖

បើយោងតាមប្រព័ន្ធផ្សព្វផ្សាយក្នុងស្រុកបានរាយកាណ៍ដែរថា វានៅតែមើលទៅដូចជាថ្ងៃរះ ទោះម៉ោង ១០:៤៥នាទីព្រឹក (ម៉ោងនៅអាមេរិក​)  ដែលនេះ គឺដោយសារកាំរស្មីព្រះអាទិត្យបានព្យាយាមជ្រៀតចូលផ្សែងក្រាស់។ ទន្ទឺមនឹងនេះ អ្នកជំនាញបាននិយាយដែរថា ផ្សែងនោះក៏ជាដើមហេតុនៃពន្លឺពណ៌ទឹកក្រូចនៅលើផ្ទៃមេឃផងដែរ។

យ៉ាងណាមិញ អ្នកពន្លត់អគ្គិភ័យប្រមាណ ១៤,០០០ នាក់ កំពុងដុតដៃដុតជើងធ្វើការពន្លត់តំបន់រងគ្រោះធំៗចំនួន ២៨ ក្នុងរដ្ឋកាលីហ្វ័រញ៉ា។ ហើយគួរឲ្យដឹងដែរថា អគ្គិភ័យបានឆាបឆេះអស់ព្រៃប្រមាណ ២.៥ លានហិចតា ក្នុងរដ្ឋកាលីហ្វ័រញ៉ានៅឆ្នាំនេះ និងសម្លាប់មនុស្សយ៉ាងហោចណាស់ ៨ នាក់៕

សូមទស្សនារូបភាព និងវីដេអូខាងក្រោម៖