នៅពេលដែលក្រុម Barcelona ត្រូវបានគេរាយការណ៍ថាកំពុងសម្លឹងមើល Hector Bellerin របស់ក្លិប Arsenal មកជំនួសខ្សែការពារ Nelson Semedo បែបនេះ ទើបសារព័ត៌មាន Tribuna.com នាមលើកឡើងពីមូលហេតុចម្បងមួយ ដែលធ្វើឱ្យការវិលត្រឡប់របស់ខ្សែការពារខាងលើមកទឹកដី Camp Nou វិញ អាចជារឿងមិនល្អសម្រាប់ក្លិបដែលមានមូលដ្ឋាននៅទឹកដីកាតាឡាន់នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហេតុផលនេះគឺអាចបញ្ជាក់យ៉ាងច្បាស់ណាស់ ប្រសិនបើអ្នកអាចចាំនៅពេលដែលកីឡាករសញ្ជាតិអេស្បា៉ញរូបនេះបានលេងពេញមួយរដូវកាលដោយមិនមានបញ្ហារបួសធ្ងន់ធ្ងរឬក៏អត់នោះ។
គួរឱ្យកត់សម្គាល់ កីឡាករ Bellerin បានបង្ហាញខ្លួនត្រឹមតែ ៣៤ ប្រកួតប៉ុណ្ណោះឱ្យក្រុម Arsenal នៅ Premier League ក្នុងរយៈពេល ២ រដូវកាលចុងក្រោយនេះ ដោយសារតែញាំញីនឹងរបួសជង្គង់ និងសរសៃពួរធ្ងន់ធ្ងរ ខណៈ Nelson Semedo វិញបានបង្ហាញខ្លួនរហូតដល់ទៅ ៥៨ ប្រកួតឱ្យ Barca នៅក្របខ័ណ្ឌ La Liga ក្នុងរយៈពេល ២ ឆ្នាំកន្លងមកនេះ។
ទោះបីជាខ្សែការពារសញ្ជាតិព័រទុយហ្គាល់រូបនេះមិនទាន់អាចស្នងតំណែង Dani Alves យ៉ាងណាក្តី ក៏ Barca មិនអាចខ្វះខ្សែការពារស្លាបស្តាំរូបនេះបានទេនៅរដូវកាល ២០២០/២១ នេះ ប្រសិនបើរបួសរបស់ Bellerin នៅតែបន្តកើតមាននៅ Camp Nou នោះ៕
ប្រភព៖ Tribuna