អាឡេប៉ូ៖ ទូរទស្សន៍រដ្ឋស៊ីរីបានរាយការណ៍នៅថ្ងៃសុក្រនេះថា ប្រព័ន្ធការពារដែនអាកាសរបស់ប្រទេសស៊ីរី បានរាំងស្ទាក់មីស៊ីលជាច្រើនគ្រាប់នៅទីក្រុងអាឡេប៉ូ (Aleppo) ដែលបាញ់ចេញមកពីទឹកដីអ៊ីស្រាអែល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រទេសអ៊ីស្រាអែលតែងទទួលស្គាល់ ថាខ្លួនបានធ្វើការវាយប្រហារជាច្រើនលើកច្រើនសានៅក្នុងប្រទេសស៊ីរី ចាប់តាំងពីមានសង្គ្រាមស៊ីវិលកាលឆ្នាំ ២០១១។ ហើយមកដល់នេះ អ៊ីស្រាលអែលបានសន្យាថានឹងបង្កើនយុទ្ធនាការប្រឆាំងនឹងវត្តមានកងទ័ពអ៊ីរ៉ង់ នៅលើទឹកដីប្រទេសស៊ីរី។
គួរឱ្យដឹងដែរថា កាលពីដើមខែនេះ គឺនៅថ្ងៃទី១ ខែកញ្ញា ក្រុមអ្នកសង្កេតការណ៍សិទ្ធិមនុស្សស៊ីរីបានរាយការណ៍ថា អ្នកសកម្មប្រយុទ្ធចំនួន ១០នាក់ ត្រូវបានសម្លាប់នៅក្នុងការវាយប្រហាររបស់អ៊ីស្រាអែល ដែលស្ថិតភាគខាងត្បូងទីក្រុងដាម៉ាស ដោយក្នុងនោះមាន ៧នាក់ គឺជាសមាជិករបស់កងជីវពលគាំទ្រដោយអ៊ីរ៉ង់ និងហេសបូឡា៕