ថាម៉េច! Real Madrid កំពុងបើកកិច្ចចរចាទិញយកតារាជួរមុខរបស់ Man City រូបនេះ

បរទេស៖ បើយោងតាមគេហទំព័រ FootMercato បានឲ្យដឹងថាក្លិបយក្សអេស៉្បាញ Real Madrid កំពុងបើកកិច្ចចរចាជាមួយតំណាងរបស់កីឡាករ Riyad Mahrez ដើម្បីនាំយករូបគេចេញពីក្លិប Manchester City ទៅលេងនៅទឹកដី Santiago Bernabéu ក្នុងរដូវក្ដៅនេះ។ 

គួរឲ្យដឹងដែរថា ខ្សែប្រយុទ្ធវ័យ២៩ឆ្នាំ ជាតួសំខាន់ម្នាក់របស់ Man City នៅក្នុងរដូវកាល ២០១៩/២០ កន្លងមក ពោលរូបគេរកបាន១៣គ្រាប់ និងបោះបាល់ឲ្យដៃគូបញ្ចប់ទីបាន១៦លើកផងដែរ។ ក្នុងនោះដែរ Mahrez នៅសល់កុងត្រា៣ឆ្នាំទៀតឯណោះជាមួយក្លិបនៅ Premier League មួយនេះ។ 

ជាក់ស្តែងនៅពេលនេះលោកគ្រូបង្វឹក Zinedine Zidane កំពុងតែព្យាយាមប្រមូលព័ត៌មានអំពីកុងត្រារបស់ Mahrez ជាមួយ Man City និងបានរៀបចំសំណើរួចរាល់ហើយដើម្បីចរចាទិញយករូបគេទៅលេងនៅ La Liga រដូវកាលថ្មីនេះ។

ដោយឡែកសម្រាប់ភាគីក្លិបលោក Pep Guardiola វិញ ហាក់ដូចជាមិនចង់ឲ្យជម្រើសជាតិអាល់ហ្សេរីរូបនេះ ចេញនោះទេ ដោយសារទើបតែលក់ចេញខ្សែប្រយុទ្ធស្លាបឆ្នើមម្នាក់ឲ្យទៅ Bayern Munich គឺកីឡាករ Leroy Sane ៕

ប្រភព៖ manchestereveningnews