អង់គ្លេស៖ ក្លិបហង្សក្រហម Liverpool នឹងត្រូវប៉ះជាមួយក្លិប Leeds United នៅក្នុងការប្រកួតបើកឆាក Premier League រដូវកាលថ្មី ២០២០/២១ នៅយប់ថ្ងៃសៅរ៍សប្តាហ៍នេះ។ ហើយបើទោះបីជាចាញ់ក្លិប Arsenal ក្នុងកម្មវិធី Community Shield ថ្មីៗនេះក្ដី ក៏លោកគ្រូបង្វឹក Jurgen Klopp នៅតែមានគំនិតសុទិដ្ឋិនិយមថា Liverpool នឹងអាចការពារតំណែងជើងឯក Premier League របស់ខ្លួនបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែកសម្រាប់កីឡាករចំណូលថ្មីវិញ Liverpool ទើបតែទិញបានខ្សែការពារ Kostas Tsimikas ម្នាក់ប៉ុណ្ណោះ ដែលមានតម្លៃខ្លួន១១លានផោន (ឬប្រមាណ១៤លានដុល្លារ)។ ប៉ុន្តែក្លិបមួយនេះក៏កំពុងតែតាមចរចាទិញខ្សែបម្រើឆ្នើមម្នាក់ទៀតផងដែរ គឺកីឡាករ Thiago Alcantara របស់ក្លិប Bayern Munich ។
ជាមួយគ្នានេះលោក Jurgen Klopp បានបញ្ជាក់ថា មានកីឡាករ៣រូបកំពុងឡើងជើងខ្លាំងនៅពេលនេះ ពោលគឺកីឡាករ Curtis Jones, Naby Keita និង Takumi Minamino ។ លោកបានបន្ថែមថា ពួកគេនឹងដើរតួសំខាន់ឲ្យ Liverpool ក្នុងការប្រជែងយកជើងឯកជាមួយក្លិប Chelsea និង Manchester City ។ ក្នុងនោះលោកក៏បានសន្យាជាមួយអ្នកគាំទ្រទាំងអស់គ្នាដែរថានឹងដាក់ពួកគេទាំង៣រូបនេះលេងឲ្យបានជាប់លាប់នៅក្នុងការប្រកួតរដូវកាលថ្មីខាងមុខនេះ៕
ប្រភព៖ express