Selena ដាច់ចិត្តទម្លាយរឿងរ៉ាវដ៏គួរឲ្យសោកស្តាយ កាលពីអតីតកាល

បរទេស៖ នៅក្នុងបទសម្ភាសន៍ជាមួយទស្សនាវដ្តី Allure តារាចម្រៀងល្បីឈ្មោះ Selena Gomez បានសារភាពពីអារម្មណ៍របស់នាងដែលបាន មានការសោកស្តាយជាខ្លាំងទៅលើ ការបង្ហាញសាច់ស្ទើរតែស្រុង ក្នុងការថតស្រាតនៅក្នុងអាល់ប៊ុមរបស់នាង ក្នុងឆ្នាំ២០១៥។

ទៀតសោតផងដែរថា តារាចម្រៀងស្រីរូបនេះ បានថតអាក្រាតកាយនៅលើគម្របអាល់ប៊ុមរបស់ដែលមានឈ្មោះថា «Revival» ហើយបានបង្ហាញរូបភាពស៊ិចស៊ីនៅក្នុងវីដេអូចម្រៀងក្នុង «Hands To Myself» និងបទ «Good For You»។

តែយ៉ាងណាមិញ អតីតសង្សារចាស់ Justin រូបនេះ បានផ្តល់កិច្ចសម្ភាសន៍ ថារូបនាងពិតជាមានការខ្មាសអៀន និងអាម៉ាសជាខ្លាំងទៅលើការវង្វេងស្មារតីមួយពេល បានធ្វើឲ្យរូបនាងមានវិប្បដិសារី ដោយបានថតស្រាតបញ្ចេញសាច់របស់នាង ដោយលើកឡើងថា៖

លើសពីនេះទៅទៀត ក្នុងអំឡុងពេលសម្ភាសន៍ Selena ក៏បាននិយាយអំពីជំងឺធ្លាក់ទឹកចិត្តនិងការថប់បារម្ភផងដែរ។ តារាចម្រៀងម្ចាស់បទ «Same Old Love»រូបនេះបានបញ្ជាក់ថា ខ្លួនត្រូវលាឈប់ពីការងារព្យាបាលបញ្ហាផ្លូវចិត្ត កាលពី ២ ឆ្នាំមុនដោយសារភាពតានតឹងក្នុងអាជីពជាជីវិតអ្នកសិល្បៈ។

 គួររំលឹកថា Selena បានចូលរួមកម្មវិធីទូរទស្សន៍ធ្វើម្ហូបនៅលើប៉ុស្តិ៍ទូរទស្សនិ៍ HBO មិនត្រឹមតែប៉ុណ្ណោះ នាងក៏បានចេញចម្រៀងដែលជាសហការជាមួយក្រុមចម្រៀងស្រី K-pop BLACKPINKផងដែរ។ លើសពីនេះទៅទៀតអតីតតារា Disney រូបនេះបានចូលប្រឡូកក្នុងវិស័យជំនួញ ដែលនាងទើបតែដាក់លក់ផលិតផលគ្រឿងសម្អាង មួយដែលមានឈ្មោះថា «Rare Beauty»៕

សូមទស្សនារូបខាងក្រោម៖