ថៃ៖ បច្ចុប្បន្ននេះ តារាស្រីស្រស់ Mint Chalida មិនត្រឹមតែមានភាពលេចធ្លោ ដែលអាចទាញយកប្រជាប្រិយពីហ្វេនៗ ជាមួយនឹងការបង្ហាញខ្លួនក្នុងស្ទាយ៍ប្លែកៗ នៅក្នុងការងារសិល្បៈរបស់នាងតែប៉ុណ្ណោះទេ តែនាងថែមទាំងមានជីវិតរស់នៅយ៉ាងល្អ ប្រកបដោយក្ដីសុខជាមួយនឹងក្រុមគ្រួសារ ដែលហ្វេនៗជាច្រើនតែងតែតាមដានរង់ចាំមើលជានិច្ច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង តារាស្រីរូបនេះ ក៏បានបើកបង្ហាញឲ្យឃើញពីជីវិតរស់នៅក្នុងផ្ទះដ៏ស្កឹមស្កៃរបស់ខ្លួន ជារឿយៗនៅលើបណ្ដាញសង្គម ដែលធ្វើឲ្យបណ្ដាអ្នកគាំទ្ររបស់នាង អត់នឹងសរសើរមិនបាន ពីបរិយាកាសនៅក្នុងផ្ទះ ដែលគួរឲ្យចង់រស់នៅយ៉ាងខ្លាំង ខណៈដែលផ្ទះដ៏ស្កឹមស្កៃមួយនេះ មានតម្លៃរហូតដល់ ២០ លានបាត ដែលប្រហាក់ប្រហែលនឹង ៦៣ ម៉ឺនដុល្លា ព្រមទាំងជាកម្លាំងញើសឈាមរបស់នាងផ្ទាល់។
នៅក្នុងនោះដែរ ផ្ទះរបស់ Mint Chalida គឺមានទំហំធំទូលាយ ហ៊ុមព័ទ្ធដោយដើមឈើបៃតងស្រស់ ជួយឲ្យកាន់តែមានភាពស្រស់ស្រាយ ចំណែកឯទិដ្ឋភាពនៅក្នុងផ្ទះក៏មិនចាញ់ផ្នែកខាងក្រៅ ដោយមានការរៀបចំ ជាមួយនឹងសោភ័ណភាពដ៏ប្រណីត ទាំងផ្ទៃជញ្ជាំង គ្រឿងសង្ហារឹម និងមានការរៀបចំនៅក្នុងបន្ទប់គេងជាមួយនឹងគ្រែដ៏ធំស្អាត យ៉ាងណាមិញទោះជាមើលទៅមានភាពសាមញ្ញបន្តិចមែន ប៉ុន្តែបរិយាកាសនៅក្នុងផ្ទះរបស់នាង គឺគួរជាទីគយគន់ជាទីបំផុត៕
សូមទស្សនារូបភាពខាងក្រោម៖