អតីតខ្សែការពារស្លាបឆ្វេងរបស់ក្រុមបិសាចក្រហម Manchester United កីឡាការិនី Alex Greenwood បានចុះកុងត្រាជាផ្លូវការជាមួយក្លិប Manchester City ក្នុងកិច្ចសន្យារយៈពេល ៣ ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាការិនីវ័យ ២៧ ឆ្នាំដែលបានចាកចេញពីទឹកដី Leigh Sports Village នារដូវក្តៅ ២០១៨ ទៅចូលរួមជាមួយក្រុម Olympique Lyonnais របស់បារាំង បើគិតនឹងពេលនេះគឺបានលេងឱ្យក្រុម Liverpool, Everton, Man United និង Man City ។
ខ្សែការពារឆ្នើមរូបនេះបាននិយាយថា "ខ្ញុំគិតថាខ្ញុំបានវិលត្រឡប់ទៅប្រទេសអង់គ្លេសវិញនៅពេលវេលាដ៏ល្អឥតខ្ចោះបំផុត។ ការប្រកួតនៅទីនេះនឹងបន្តពីភាពខ្លាំងទៅខ្លាំងជានិច្ច។ កីឡាការិនីណាដែលបានមកប្រកួតនៅទឹកដីនេះប្រាកដជានិយាយពីរឿងនេះ ហើយខ្ញុំពិតជារំភើបដែលបានក្លាយជាផ្នែកមួយនៃការប្រកួតប្រជែងនៅទីនេះ។"
ប៉ុន្តែអ្វីដែលជាការកត់សម្គាល់ អ្នកគាំទ្របាល់ទាត់នៅលើបណ្តាញសង្គមហាក់មិនមានការចាប់អារម្មណ៍ចំពោះការចុះកុងត្រារបស់ Greenwood នោះទេ ដោយសារតែនាងបានទៅលេងឱ្យក្លិបជាគូប្រជែងដ៏ធំរបស់អតីតក្លិបរបស់នាងទៅវិញ៕
ប្រភព៖ Tribuna