តាមរបាយការណ៍របស់ Faberizio Romano លើបណ្តាញសង្គម Tweeter បានលើកឡើងថា៖ Memphis Depay បានយល់ស្របនឹងលក្ខខណ្ឌរបស់ Barca ហើយ នៅឡើងតែក្លិប Lyon មិនទាន់សម្រេចលើតម្លៃនៃការផ្ទេរចេញនៅឡើយទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធរូបនេះបានក្លាយជាគោលដៅសំខាន់មួយរបស់លោក Ronald Koeman មកជំនួសកន្លែងរបស់ Luis Suarez បន្ទាប់ពីគ្រូបង្វឹករូបនេះត្រូវបានតែងតាំងកាលពីខែមុន។
តាមពាក្យចចាមអារាមមួយចំនួនបានលើកឡើងថា Depay អាចនឹងត្រូវចាកចេញត្រឹមតែតម្លៃ ៣០ លានផោនប៉ុណ្ណោះ ដែលតម្លៃនេះវាហាក់ទាបជាង Lautaro Martinez របស់ Inter Milan ទៅទៀត។
ជាការកត់សម្គាល់ កាលពីរដូវកាលមុន ខ្សែប្រយុទ្ធសញ្ជាតិហូឡង់រូបនេះបានស៊ុតបាល់បញ្ចូលទីចំនួន ១៥ គ្រាប់ និងបោះបាល់ឱ្យមិត្តរួមក្រុមស៊ុតបានចំនួន ២ លើកក្នុងការបង្ហាញខ្លួន ២២ ប្រកួត ខណៈដែលរូបគេបានខកខានប្រកួតធំៗមួយចំនួននារដូវកាលនេះដោយសារបញ្ហារបួសជង្គង់ធ្ងន់ធ្ងរ៕
ប្រភព៖ Tribuna