តម្លៃប៉ុណ្ណេះដឹងតែក្លិបនៅអង់គ្លេសតម្រង់ជួរគ្នាទិញហើយ! Real Madrid សម្រេចចិត្តដាក់លក់ Bale ក្នុងតម្លៃត្រឹមតែ...

អេស៉្បាញ៖ នៅក្នុងកិច្ចពិភាក្សាថ្មីៗនេះលោកគ្រូបង្វឹក Zinedine Zidane បានប្រាប់ទៅកីឡាករ Gareth Bale ថារូបគេមិនស្ថិតក្នុងបញ្ជីកីឡាករជួរមុខរបស់ Real Madrid នៅក្នុងរដូវកាលថ្មីខាងមុខនេះទេ។ 

ក្នុងនោះដែរក្លិប Real Madrid ក៏កំពុងតែព្យាយាមលក់រូបគេចេញឲ្យបានកាន់តែឆាប់កាន់តែល្អនៅទីផ្សារដោះដូរកីឡាកររដូវក្ដៅនេះ ព្រោះមិនចង់បន្តចំណាយលើប្រាក់ពលកម្មដ៏ថ្លៃរបស់គេ។ ជាមួយគ្នានេះដែរ ថ្មីៗនេះ Bale ក៏បានចេញមកបញ្ជាក់ថានៅរដូវក្ដៅមុន រូបគេបានដាក់សំណើសុំចាកចេញទៅលេងនៅប្រទេសចិន ប៉ុន្តែត្រូវបានក្លិបយក្សអេស៉្បាញមួយនេះបដិសេធ។ 

ដោយឡែកនៅពេលនេះ Real Madrid បានបង្ខំចិត្តទម្លាក់តម្លៃខ្លួនជម្រើសជាតិវែលស៍ ដល់ទៅ មួយភាគបួនឯណោះ នៃតម្លៃដែលទិញពី Spur ពោលលក់ត្រឹមតម្លៃ២២លានផោន (ឬប្រមាណ២៩លានដុល្លារ) ប៉ុណ្ណោះ។

ក្នុងនោះមានក្លិបធំៗពីរនៅ Premier League កំពុងតែនាំមុខគេក្នុងការប្រជែងយករូបគេទៅរួមក្រុម ពោលគឺក្លិប Manchester United និងក្លិបចាស់របស់គេ Tottenham Hotspur ៕

ប្រភព៖ sportsmole