បរទេស៖ ខ្សែប្រយុទ្ធស្លាបក្រុម Lyon កីឡាករ Memphis Depay ត្រូវបានគេរាយការណ៍មកថា បានព្រមព្រៀងលក្ខខណ្ឌផ្ទាល់ខ្លួនជាមួយនឹងក្លិបអ្នកមានបុណ្យ Barcelona ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមអ្នកសារព័ត៌មានផ្នែកកីឡា ដ៏គួរឲ្យទុកចិត្តបាន គឺលោក Fabrizio Romano បានឲ្យដឹងថា ជម្រើសជាតិហូឡង់បានយល់ព្រមផ្លាស់ទៅក្លិបយក្សតំបន់កាតាឡាន់ហើយ នៅឡើយតែការចរចាតម្លៃរវាងក្លិបនឹងក្លិបប៉ុណ្ណោះ។
Depay គឺជាគោលដៅដែលគ្រូ Barca ថ្មីលោក Ronald Koeman ចង់បានមកកសាងក្រុមឡើងវិញ។ ជាមួយគ្នានេះ ខ្សែបម្រើក្រុមហង្សក្រហម Liverpool កីឡាករ Georginio Wijnaldum ក៏ស្ថិតក្នុងបញ្ជីនាំចូលរបស់គ្រូបង្វឹកសញ្ជាតិហូឡង់ផងដែរ។
គួររម្លឹកដែរថា Depay ជាអតីតម្ចាស់អាវលេខ៧របស់ក្លិបបិសាចក្រហម Manchester United ដោយរូបគេបានចាកចេញពីទឹកដី Old Trafford ផ្លាស់មកកាន់ Lyon កាលពីដើមឆ្នាំ២០១៧ ខណៈកុងត្រារបស់គេជាមួយក្លិប នឹងផុតសុពលភាពត្រឹមរដូវក្ដៅឆ្នាំក្រោយនេះ។
យ៉ាងណាមិញរយៈពេល៣ឆ្នាំជាមួយ Lyon ខ្សែប្រយុទ្ធវ័យ២៦ឆ្នាំរូបនេះ បានបង្ហាញទម្រង់លេងយ៉ាងលេចធ្លោ ពោលគេរកបាន៥៧គ្រាប់ឯណោះ និងបញ្ជូនបាល់ឲ្យមិត្តរួមក្រុមបញ្ចប់ទីបាន៤៣ដង ក្នុងចំណោមការបង្ហាញខ្លួន១៣៩ប្រកួត គិតរាល់ព្រឹត្តិការណ៍ទាំងអស់៕
ប្រភព៖ talksport