វ៉ាស៊ីនតោន៖ កងកម្លាំងយោធាអាមេរិកអាមេរិកទើបតែបានធ្វើតេស្តសាកល្បងនូវសុនខយន្តទំនើប ដែលត្រូវបានរចនាឡើងដើម្បីចូលរួមក្នុងបេសកកម្មអង្កេតឬឃ្លាំមើលពីចម្ងាយ ក៏ដូចជាប្រើប្រាស់សម្រាប់ល្បាតនៅតាមមូលដ្ឋានទ័ពអាកាសជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសុនខយន្តដែលមានឈ្មោះថា Vision 60 UGV មានបំពាក់មកជាមួយនូវសេនស័រ ប្រព័ន្ធទាក់ទង និងប្រព័ន្ធគ្រប់គ្រងស្ថានភាពសមរភូមិកម្រិតខ្ពស់ (ABMS) ដែលត្រូវបានបង្កើតឡើងដើម្បីប្រមូល និងដំណើរការ រួមទាំងចែករំលែកទិន្នន័យក្នុងចំណោមកងកម្លាំងសហរដ្ឋអាមេរិកជាមួយកងកម្លាំងសម្ព័ន្ធមិត្តក្នុងពេលតែមួយ។ មិនតែប៉ុណ្ណោះ សុនខយន្តនេះ ក៏មានសមត្ថភាពអាចឡើងជណ្តើរ អាចសង្កេតគោលដៅក្នុងតំបន់មានស្មៅក្រាស់ៗ ហើយក៏អាចប្រើប្រាស់ប្រព័ន្ធភ្លើង ដើម្បីពិនិត្យមើលក្នុងទីងងឹតផងដែរ។
គួរជម្រាបដែរថា សុនខយន្ដ Vision 60 UGV ត្រូវបានបង្កើតឡើងដោយក្រុមហ៊ុន Ghost Robotics ដែលជាផ្នែកមួយនៃកិច្ចសន្យាជាមួយមន្ទីរស្រាវជ្រាវទ័ពអាកាសអាមេរិក និងត្រូវបានដាក់ធ្វើតេស្តសាកល្បងកាលពីសប្តាហ៍មុន ក្នុងមូលដ្ឋានទ័ពអាកាស Nellis រដ្ឋ Nevada សហរដ្ឋអាមេរិក។
សូមទស្សនាវីដេអូខាងក្រោម៖