អង់គ្លេស៖ យោងតាមសេចក្ដីរាយការណ៍បានឲ្យដឹងថា ក្លិបហង្សក្រហម Liverpool កំពុងពិចារណាលក់ ខ្សែប្រយុទ្ធវ័យក្មេង Rhian Brewster នៅរដូវក្ដៅនេះ អមជាមួយការបញ្ចូលកិច្ចសន្យាអាចទិញត្រឡប់មកវិញបាន ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធវ័យ២០ឆ្នាំ មិនសូវមានឱកាសបានចូលលេងច្រើននោះទេ នៅ Liverpool ដោយសារតែតំណែងប្រយុទ្ធ ក្នុងក្រុមលោក Jurgen Klopp មានកីឡាករ Mohamed Salah, Roberto Firmino និង Sadio Mane ជាអ្នករ៉ាប់រងទៅហើយ។
ជាមួយគ្នានេះ Liverpool រំពឹងថានឹងអាចទទួលបាន ២០លានផោន ពីការលក់ខ្សែប្រយុទ្ធជួយជម្រើសជាតិអង់គ្លេសអាយុក្រោម១៧ឆ្នាំ លើកពាន World Cup ឆ្នាំ២០១៧រូបនេះ ដើម្បីប្រមូលថវិការនោះ មកផ្សែផ្សំទុកទិញកីឡាករថ្មីៗពង្រឹងក្រុម។
ហើយបើយោងតាមរបាយការណ៍របស់កាសែរត Sky Sports ក្លិបជើងឯក Premier League រដូវកាលមុន នឹងបញ្ចូលកិច្ចសន្យាអាចទិញត្រឡប់មកវិញបាន ទៅក្នុងកិច្ចព្រមព្រៀងលក់កីឡកររូបនេះ ប្រសិនបើត្រូវបញ្ចេញរូបគេនៅរដូវក្ដៅនេះមែននោះ។
គួររម្លឹកដែរថា Brewster បានចំណាយពេលពាក់កណ្ដាលរដូវកាលមុន ទៅលេងឲ្យក្លិប Swansea City ក្នុងលក្ខខណ្ឌខ្ចីជើង ដោយរូបគេស៊ុតបាន១១គ្រាប់ ក្នុងចំណោមការបង្ហាញខ្លួន២២ប្រកួត។
ទន្ទឹមនឹងនេះ បើយោងតាមប្រភពដដែលបានឲ្យដឹងថា មានក្លិបនៅ Premier League ចំនួន៤ កំពុងបើកទ្វារចាំទទួលយក Brewster ពី Liverpool ក្នុងនោះមានដូចជាក្លិប Aston Villa, Brighton និង Sheffield United ខណៈក្លិបសារិកាព្រៃ Newcastle United ចង់បានក្នុងកិច្ចសន្យាខ្ចីជើង៕
ប្រភព៖ dailymail