ថៃ៖ តារាស្រីដ៏មានប្រជាប្រិយភពា ដែលទស្សនិកជនជាច្រើន បានទទួលស្គាល់នូវទេពកោសល្យខាងផ្នែកតួឆ្នាស់ឆ្នើម របស់តារាសម្តែងស្រី Yardthip ក្នុងរឿងភាគល្បីជាច្រើន ដែលធ្វើឲ្យមានសន្ទុះការគាំទ្រកើនឡើងពីមួយថ្ងៃទៅមួយថ្ងៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង កាលពីពេលថ្មីៗនេះ តារាសម្ដែង Yardthip បានបង្ហាញនូវភាពភ្ញាក់ផ្អើលមួយដល់អ្នកគាំទ្រជាច្រើន ដែលក្នុងនោះនាងបានបង្ហោះនូវរូបភាពជាច្រើនសន្លឹក ដែលបានធ្វើដំណើរកម្សាន្តទៅលំហែកាយ បន្ទាប់ពីបានដកឃ្លា សម្រាកពីការងារសិល្បៈ។
អ្វីដែលជាពិសេសនោះ យើងបានសង្កេតឃើញថា តារាស្រីវ័យ៣៣ឆ្នាំរូបនេះ ក៏បានពាំនាំគ្រឿងបរិក្ខារបរិភោគជាច្រើន ដែលបានយកជូនទៅ នៅមជ្ឈមណ្ឌលអភិវឌ្ឍន៍សុខមាលភាពសង្គម ចែកដល់ ចាស់ជរា និងក្មេងៗ កុមារកំព្រា។ ក្នុងនោះរួមមានរបស់ប្រើប្រាស់ជាច្រើន ដូចជា ទឹកដោះគោ មី ត្រីខ អង្ក និងបរិក្ខារប្រើប្រាស់មួយចំនួនទៀត។
យ៉ាងណាមិញ សកម្មភាពទាំងនេះដែរ បានធ្វើឲ្យអ្នកគាំទ្រជាច្រើនពិតជាសប្បាយចិត្តយ៉ាងខ្លាំង ហើយ តារាស្រីរូបនេះ ក៏បានអំពាវនាវ ដល់សប្បុរសជន បើបានឆ្លងកាត់ សូមជួយជាវិភាគទាន ឬជាចែកអំណោយ ជូនដល់មជ្ឈមណ្ឌលនោះផងដែរ៕
សូមទស្សនារូបខាងក្រោម៖