អស្ចារ្យណាស់! Ronaldo ជួយព័រទុយហ្គាល់យកឈ្នះស៊ុយអែត និងបានកំណត់ត្រាមួយនេះថែមទៀត

នៅក្នុងការប្រកួតដ៏ស្វិតស្វាញកាលពីយប់មិញក្នុងពានរង្វាន់ Nations League រវាងព័រទុយហ្គាល់ ទល់នឹងស៊ុយអែត ក្នុងជ័យជម្នះ ២-០។ កីឡាករ Cristiano Ronaldo បានបំបែកកំណត់ត្រាគ្រាប់បាល់ទី១០១របស់គាត់ ឱ្យជម្រើសជាតិព័រទុយហ្គាល់។

មានតែកីឡាករជម្រើសជាតិអុីរ៉ង់ Ali Daei តែម្នាក់គត់ ដែលរកគ្រាប់បាល់ឱ្យជម្រើសជាតិបានច្រើនបំផុតនៅលើពិភពលោក ពោលគឺរកបានរហូតដល់ ១០៩ គ្រាប់ឯណោះ។

តាំងពីឈានចូលវ័យ៣០ឆ្នាំ  កីឡាករ Cristiano Ronaldo រកបាន ៤៩ គ្រាប់ ហើយឱ្យព័រទុយហ្គាល់ ដែលជាកំណត់ត្រាច្រើនទ្វេដង បើប្រៀបធៀបទៅនឹងកំណត់ត្រាពីមុនរបស់គាត់។ វាក៏ជាគ្រាប់បាល់ទី ៧ របស់គាត់ទល់នឹងស៊ុយអែតផងដែរ។

គួរឱ្យដឹងផងដែរថា ពេលនេះ គ្រាប់បាល់របស់ Ronaldo បាននាំមុខកីឡាករកំពុងបម្រើអាជីព២រូបគឺ Sunil Chhetri ជម្រើសជាតិឥណ្ឌា នាំមុខ ២៩ គ្រាប់ និង Lionel Messi ជម្រើសជាតិអាហ្សង់ទីន នាំមុខ ៣១ គ្រាប់ ហើយគាត់ត្រូវការតែ ៧ គ្រាប់ទៀតប៉ុណ្ណោះដើម្បីក្លាយជាកីឡាករដែលរកគ្រាប់បាល់បានច្រើនបំផុតឱ្យជម្រើសជាតិនៅលើពិភពលោក៕

ប្រភព៖ Tribuna