ឈីលី៖ កាំមេរ៉ាឌីជីថលធំជាងគេបំផុតលើពិភពលោកអាចថតបានកូនហ្គោលមួយ ពីចម្ងាយ២៤គីឡូម៉ែត្រ។ នៅពេលមន្ទីរអង្កេតតារាសាស្ត្រ Vera C. Rubin Observatory ចាប់ផ្ដើមការសង្កេតនៅក្នុងឆ្នាំ២០២៣ កាំមេរ៉ារបស់វានឹងអាចចាប់យកទិដ្ឋភាពពេញលេញបែប panoramas នៃផ្ទៃមេឃខាងត្បូង រយៈពេលពីរបីយប់។

សេនស័ររូបភាពសម្រាប់កាំមេរ៉ាឌីជីថលធំជាងគេបំផុតលើពិភពលោកនេះ អាចចាប់រូបភាពដែលមានទំហំ៣,២០០មេហ្គាភិចសែលដំបូងគេបង្អស់ ដោយក្រុមនៅមន្ទីរពិសោធន៍ Department of Energy's SLAC National Accelerator Laboratory។ វាអាចនឹងបង្កើតជាកាតាឡុកនៃកាឡាក់ស៊ី និងអង្គអវកាសជាច្រើន ដែលអាចបង្កើតជាខ្សែភាពយន្តតារាសាស្ត្រធំបំផុត ហើយវានឹងបំបែកអាថ៌កំបាំងនៅក្នុងចក្រវាល។

រូបភាពទំហំ៣,២០០មេហ្គាភិចសែលដំបូងគេដោយប្រើសេនស័រជាច្រើន គឺមានទំហំធំទូលាយ ដូច្នេះវាត្រូវការអេក្រង់ទូរទស្សន៍ 4K ទំហំ៣៧៨អ៊ីញ ដើម្បីបង្ហាញទិដ្ឋភាពដ៏ច្បាស់នេះ។ សមត្ថភាពនៃការអង្កេតរបស់កាំមេរ៉ានេះអាចនឹងជួយឲ្យវា មើលឃើញអង្គដែលមានពន្លឺខ្សោយៗ១០០លានដង ប្រសើរជាងភ្នែករបស់មនុស្សយើង។

វាត្រូវបានរចនាឡើង ដើម្បីបង្កើតផែនទីកាឡាក់ស៊ីមីលគីវ៉េ រុករកថាមពលងងឹត នឹងស្ទង់មើលប្រព័ន្ធព្រះអាទិត្យ។ កំឡុងពេល១០ឆ្នាំនៃដំណើរការរបស់វា កាំមេរ៉ានេះត្រូវបានគេរំពឹងថា អាចនឹងចាប់បានរូបភាពនៃកាឡាក់ស៊ីរហូតទៅដល់២០ប៊ីលាន៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ