បរទេស៖ ក្រោយជាប់មកលេងនៅក្រមខ័ណ្ឌ Premier League រដូវកាលថ្មីនេះ ក្លិប Leeds United បានចំណាយទុនទិញកីឡាករថ្មីៗមករួមក្រុមអស់ប្រមាណ៤០លានផោន (ឬ៥២លានដុល្លារ) រួចមកហើយ។ ក្នុងនោះក្លិបមួយនេះទិញបានកីឡាករ Rodrigo Moreno ពីក្លិប Valencia និងកីឡាករ Robin Koch ពីក្លិប SC Freiburg ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលើសពីនេះ Leeds ក៏កំពុងសម្លឹងឃើញកីឡាករថ្លៃៗមួយចំនួនទៀតផងដែរ ក្នុងនោះខ្សែបម្រើ Julian Draxler របស់ក្លិប Paris Saint-Germain ជាគោលដៅធំមួយដែលក្លិបអង់គ្លេសមួយនេះតាមទិញ។ ស្របពេលជាមួយគ្នានេះដែរ PSG ក៏កំពុងតែរៀបចំដាក់លក់តារាសញ្ជាតិអាល្លឺម៉ង់រូបនេះចេញផងដែរ។
យ៉ាងណាមិញបើតាមរបាយការណ៍របស់គេហទំព័រ RMC Sport បានឲ្យដឹងថា Draxler ហាក់ដូចជាមិនសូវចង់ផ្លាស់ទៅលេងឲ្យ Leeds នៅរដូវកាលថ្មីនេះនោះទេ ពោលរូបគេកំពុងរង់ចាំសំណើពីក្លិបផ្សេងៗទៀត។ គួរឲ្យដឹងដែរថាតាំងពីផ្លាស់មកលេងឲ្យ PSG កាលពីឆ្នាំ២០១៧មក កីឡាករវ័យ២៦ឆ្នាំរូបនេះរកបាន២០គ្រាប់ ក្នុងការបង្ហាញខ្លួនសរុប១២០ប្រកួតឲ្យក្លិប៕
ប្រភព៖ sportsmole