ថៃ៖ មិនត្រឹមតែមានរូបសម្រស់ដ៏គួរឲ្យទាក់ទាញ ដែលអាចទាញយកចិត្តអ្នកគាំទ្រជាច្រើនបាននោះទេ តែតារាស្រីស្រស់ នាង Chippy Sirin ក៏កំពុងតែសាងភាពល្បីល្បាញ ជាមួយនឹងសមត្ថភាពសម្ដែង នៅក្នុងការងារសិល្បៈ និងការលេងស្ទាយ៍ខ្លួនដ៏គួរឲ្យចាប់អារម្មណ៍យ៉ាងខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ទន្ទឹមនឹងភាពជោគជ័យ នៅក្នុងការងារសិល្បៈនេះ ថែមទាំងអាចធ្វើឲ្យនាងរកបានប្រាក់ចំណូលជាច្រើន ខណៈដែលរូបនាងក៏បានទិញផ្ទះថ្មីដ៏ប្រណីតមួយ ទុកជាកាដូជូនខ្លួនឯង ដែលធ្វើឲ្យហ្វេនៗគ្រប់ៗគ្នា កំពុងតែរង់ចាំមើល ពីទិដ្ឋភាពនៅខាងក្នុងផ្ទះរបស់នាង ថែមទៀតផង។
ផ្ទះថ្មីរបស់ Chippy នេះ គឺជាផ្ទះ ៣ ជាន់ ព្រមជាមួយនឹងការរៀបចំ តាមបែបទំនើបទាន់សម័យ មានគ្រឿងសង្ហារឹម និងសម្ភារៈប្រើប្រាស់ល្អថែមទៀត។ មិនត្រឹមតែប៉ុណ្ណោះ នៅក្នុងផ្ទះរបស់នាង ដែលជាបន្ទប់ទុកញ៉ាំអាហារ ថែមទាំងមានការរៀបចំ ជាជញ្ជាំងកញ្ចក់ ព័ទ្ធជុំវិញ ដែលធ្វើឲ្យមានពន្លឺចេញចូលគ្រប់គ្រាន់ ប្រកនដោយបរិយាកាសយ៉ាងស្រស់ស្រាយ។
ចំពោះ បន្ទប់គេង និងបន្ទប់ទឹក ក៏មិនអន់ប៉ុន្មានដែរ ដោយសារតែ មានការរៀបចំជាមួយនឹងសម្ភារៈប្រើប្រាស់ទំនើបៗដូចគ្នា ដែលអាចផ្ដល់ភាពងាយស្រួល និងមានផាសុកភាព ផងដែរ។ ជាពិសេស ក្រោយពីបានឃើញបែបនេះហើយ អាចនិយាយបានថា ផ្ទះរបស់ Chippy ក៏ជាផ្ទះដ៏ស្កឹមស្កៃ និងប្រណីតខ្លាំង មិនចាញ់ផ្ទះតារាល្បីៗដ៏ទៃទៀតឡើយ៕
សូមទស្សនារូបភាពខាងក្រោម៖