ច្បាស់ការ! ភ្នាក់ងាររបស់ Coutinho បានចេញមកបញ្ជាក់ច្បាស់ៗពីអនាគតគាត់នៅ Barca

ភ្នាក់ងាររបស់ខ្សែប្រយុទ្ធ Philippe Coutinho លោក Kia Joorabchian បានប្រាប់បណ្តាញសារព័ត៌មានថា "គ្រូបង្វឹកលោក Ronald Koeman បានកោះហៅ Coutinho ភ្លាមៗ បន្ទាប់ពីទទួលបានជ័យជម្នះក្នុងក្របខ័ណ្ឌ Champions League ជាមួយក្រុម Bayern ។

លោកបានបន្ថែមថា Coutinho ពិតជាស្ថិតនៅក្នុងជម្រើសរបស់គាត់ ហើយចង់ឱ្យខ្សែប្រយុទ្ធរូបនេះត្រឡប់មកវិញ ព្រោះអ្វីគ្រប់យ៉ាងបានបង្ហាញថាកីឡាករសញ្ជាតិប្រេស៊ីលរូបនេះនឹងក្លាយជាស្នូលសំខាន់នៃក្រុមរបស់គាត់នៅរដូវកាលក្រោយនេះ។

កីឡាករវ័យ ២៨ ឆ្នាំរូបនេះក្រោយមកក៏បានត្រឡប់ទៅកាន់ទឹកដី Ciutat Esportiva ដែលជាទីកន្លែងហ្វឹកហាត់របស់ក្លិប FC Barcelona ៤ ថ្ងៃមុនការគ្រោងទុក។ តាមការវាយតម្លៃរបស់ Transfermarkt កីឡាករនាំលេងរូបនេះរកគ្រាប់បាល់បាន ១១ គ្រាប់ និង Assist ៩ លើកក្នុងការបង្ហាញខ្លួន ៣៨ ប្រកួត ឱ្យ Bayern Munich ដោយបានឈ្នះពានដល់ទៅ៣ក្នុងអំឡុងពេលខ្ចីជើង៕

ប្រភព៖ Tribuna