ឃើញគេស៊ែរព្រាតពីដំណើរកម្សាន្តគ្រួសារ Kik Danai លើកនេះកាន់តែមានសុភមង្គលជាងមុន

ថៃ៖ បន្ទាប់ពីទទួលបានសមាជិកថ្មីជាកូនប្រុស Kik Danai កាន់តែមានក្ដីសុខក្នុងគ្រួសារលើសពេលមុនៗ ហើយជារឿយៗតារាសម្ដែងប្រុសរូបសង្ហាម្នាក់នេះ តែងតែបង្ហាញពីសុភមង្គលក្នុងគ្រួសារឲ្យហ្វេនៗបានឃើញជាញឹកញាប់ថែមទៀតផង។ ដោយរាល់រូបភាពដែលលោកសម័យថ្មីបង្ហោះ សុទ្ធសឹងតែទទួលបានការចាប់អារម្មណ៍ខ្លាំងពីមហាជនដែលនិយមលេងលើបណ្ដាញសង្គមផងដែរ។​  

លើសពីនេះទៅទៀត មួយរយៈចុងក្រោយនេះ យើងសង្កេតឃើញតារាប្រុសរូបនេះ ដឹកដៃភរិយា និងកូនប្រុសសំណព្វចិត្តដើរកម្សាន្តនៅតាមតំបន្តព្រៃភ្នំជាលក្ខណៈគ្រួសារផងដែរ។ ហើយរាល់ដំណើរកម្សាន្តរបស់លោក មើលទៅពោរពេញដោយក្ដីសុខ និងមានភាពសប្បាយរីករាយយ៉ាងខ្លាំងមិនថា ភរិយា និងកូនតូចរបស់លោកនោះទេ។ ជាពិសេស តារារូបនេះ ក៏តែងតែថតផ្ដិតនៅរូបភាពស្អាតៗពីសកម្មភាពជាមួយគ្រួសារតូចខ្លួន បង្ហោះចូលក្នុងគណនីបណ្ដាញសង្គមខ្លួនទៀតផង។​

ជាក់ស្ដែង កាលពីម្សិលមិញនេះ ​Kik Danai បានបង្ហោះរូបភាពថ្មីជាច្រើនសន្លឹកពេលទៅដើរលេង មានការបោះតង់សម្រាកលំហែកាយជាមួយភរិយា និងកូនប្រុសសាជាថ្មី។  ម្យ៉ាងវិញទៀត រូបភាពថ្មីនោះ ក៏មិនខុសពីលើកមុនៗប៉ុន្មានឡើយ គឺចង់បង្ហាញឲ្យឃើញថា ជីវិតគ្រួសារលោកតាំងពីមានកូនប្រុសរួចមក ពោរពេញដោយភាពកក់ក្តៅ និងមានសុភមង្គលខ្លាំងជាងមុន ជាពិសេស ចំណងស្នេហាប្ដីប្រពន្ធលោកកាន់តែរឹងមាំទ្វេដងគួរឲ្យកត់សម្គាល់៕

សូមទស្សនារូបភាពខាងក្រោម៖