ប្លែកម្យ៉ាងដែរតើ! ទេព ពិសិដ្ឋ ចេញបទថ្មីជាមួយរៀមច្បង រ៉េត ស៊ូហ្សាណា ជាលើកដំបូង (មានវីដេអូ)

ភ្នំពេញ៖ ផ្តើមចេញពីសិស្សរួមគ្រូបង្វឹកដូចគ្នាក្នុងកម្មវិធីពីរជំនាន់ដោយឡែកគឺ The Voice និង The Voice Kid Cambodia ពេលនេះកម្លោះតូច ទេព ពិសិដ្ឋ ត្រូវបានផលិតកម្មរស្មីហង្សមាសផ្លាស់ប្តូរដៃគូចម្រៀងថ្មីជាមួយនឹងសិស្សច្បងរូបស្រស់គឺ កញ្ញា រ៉េត ស៊ូហ្សាណា វិញម្តងដើម្បីឱ្យក្លាយជាចំណីអារម្មណ៍មួយថ្មីសម្រាប់ទស្សនិកជន ពីព្រោះតាំងពីឈានជើងក្លាយជាតារាចម្រៀងអាជីពមក ទេព ពិសិដ្ឋ មានឱកាសចេញបទចម្រៀងឆ្លងឆ្លើយតែជាមួយនឹងតារាចម្រៀងវ័យក្មេងៗដូចគ្នាតែប៉ុណ្ណោះ។

បទចម្រៀងថ្មីដែលពោរពេញទៅដោយមនោសញ្ចេតនាជ្រាលជ្រៅមួយនេះ មានចំណងជើងថា “ព្រោះយើងជាអ្នកស្រលាញ់គ្នា” ជាស្នាដៃនិពន្ធបទភ្លេងដោយលោក សាន់ សុនដេន និងនិពន្ធទំនុកច្រៀងដោយលោក ទ្រី សក្កដា។

ត្បិតថាបទនេះមិនទាន់បានបង្ហោះផ្លូវការក្នុងបណ្តាញសង្គមនានារបស់ផលិតកម្មរស្មីហង្សមាសក៏ពិតមែន ប៉ុន្តែមួយបទនេះហាក់មានការចាប់អារម្មណ៍ខ្លាំងពីសំណាក់អ្នកគាំទ្រតារាចម្រៀងទាំងពីររូប ក៏ព្រោះតែបទចម្រៀងមួយបទនេះមានការចាក់ផ្សាយនៅក្នុងរឿងភាគបែបយុវវ័យរបស់កូរ៉េមួយដែលមានចំណងជើងថា “My School” និងត្រូវបានទិញសិទ្ធិយកមកចាក់បញ្ចាំងតាមរយៈស្ថានីយទូរទស្សន៍ហង្សមាស៕

ចង់ដឹងថាមួយបទនេះមានអត្ថន័យ និងពីរោះយ៉ាងណា សូមស្តាប់ទាំងអស់គ្នា៖