អង់គ្លេស៖ លោក Adrian Shaw វ័យ៥២ឆ្នាំ មកពីទីប្រជុំជន Leamington Spa ប្រទេសអង់គ្លេស បានធ្វើឲ្យប្រពន្ធរបស់គាត់ ឈ្មោះ Deborah វ័យ៥៣ឆ្នាំ មានការភិតភ័យជាខ្លាំងក្នុងជីវិតរបស់នាង បន្ទាប់ពីប្រទះឃើញសត្វដ៏សាហាវក្នុងសួនច្បារ ទាំងកណ្ដាលអាធ្រាត្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា ប្រពន្ធរបស់លោក Adrian បានស្នើឲ្យគាត់ជួយរៀបចំសួនច្បារ ដើម្បីឲ្យមើលទៅមានសោភណ្ឌភាពស្រស់ស្អាត ដូច្នេះហើយ ទើបគាត់សម្រេចចិត្ដធ្វើរឿងមួយ ដើម្បីឲ្យនាងភ្ញាក់ផ្អើល ជាមួយនឹងដាយណូស័រសម្បនិមិត្តមួយក្បាលឈ្មោះថា Dave។ ហើយចំពោះកម្ពស់របស់វាវិញ ១២ហ្វីត (ឬប្រហែល ៣.៦ម៉ែត្រ) និងទម្ងន់ជិត៩០គីឡូក្រាម ដែលបានទិញក្នុងតម្លៃជាង ២,០០០ដុល្លារអាមេរិក មកតាំងនៅក្នុងបរិវេណនៃសួនច្បារតែម្ដង។
លោក Adrian បាននិយាយថា៖
ប្រពន្ធរបស់ខ្ញុំបានស្នើឲ្យខ្ញុំសម្អាតស្មៅចេញ ហើយប្រហែលជាទុកទីធ្លាសម្រាប់ដាក់រូបចម្លាក់។ ទន្ទឹមនឹងនេះដែរ ខ្ញុំគិតថាគ្មានអ្វីដែលធ្វើឲ្យសួនច្បារស្រស់ស្អាតជាងចម្លាក់ដាយណូស័រសម្បនិមិត្តឡើយ ដូច្នេះខ្ញុំក៏ទិញវា។ ម៉្យាងវិញទៀត ខ្ញុំគិតថាវាគឺជាក្ដីសុបិន្ដរបស់មនុស្សភាគច្រើន ប៉ុន្ដែពួកគេមិនមានទីធ្លាសម្រាប់ដាក់ ឬមិនមានធនធានសម្រាប់ធ្វើវា។ ដូច្នេះ គម្រាងនេះ ជាលទ្ធផលនៃការស្នើសុំរបស់ប្រពន្ធខ្ញុំ ដើម្បីធ្វើឲ្យសួនច្បារមើលទៅមានភាពស្រស់ស្អាត។
លោកបានបន្ថែមថា៖
អ្នកជិតខាងចូលចិត្ដវាណាស់ និងថតរូបជាច្រើន ហើយប្រពន្ធរបស់ខ្ញុំផ្ទាល់ក៏ជាអ្នកចូលចិត្ដទស្សនាខ្សែភាពយន្ដដែលមានសត្វដាយណូស័រដែរ ដូច្នេះហើយ ខ្ញុំក៏គិតថានាងប្រាកដជាចូលចិត្ដវា។ ប៉ុន្ដែ ភរិយារបស់ខ្ញុំមានការភិតភ័យយ៉ាងខ្លាំង នៅពេលដែលនាង បានប្រទះឃើញវានៅកណ្ដាលអាធ្រាត្រ៕
ទោះជាយ៉ាងណា លោក Adrian ជឿជាក់ថា ប្រពន្ធរបស់លោកនឹងយល់ពីវា ហើយចាប់ផ្ដើមស្រលាញ់ ដូចគាត់ស្រលាញ់វាអីចឹងដែរ៕
សូមទស្សនារូបភាពខាងក្រោម៖
Bong I.T