ថៃ៖ អាចនិយាយបានថា គឺជាកូនភ្លោះដ៏គួរឲ្យស្រលាញ់របស់ តារាសម្ដែងស្រី Chompoo Araya និងស្វាមី ដែលកំពុងតែមានប្រជាប្រិយភាពយ៉ាងខ្លាំង និងមានការតាមដានពីសកម្មភាពរបស់កូនប្រុសភ្លោះទាំងពីរ ពីសំណាក់ហ្វេនៗជាច្រើន ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង កាលពីថ្មីៗនេះ នៅក្នុងថ្ងៃកំណើតគម្រប់ខួប ៣ ឆ្នាំ របស់កូនប្រុសភ្លោះទាំងពីររបស់នាង តារាស្រីរូបនេះ ក៏បានរៀបចំកម្មវិធីមួយ ដែលជាពិធីជប់លៀងដ៏កក់ក្តៅ ជាលក្ខណៈនៅក្នុងគ្រួសារ ព្រមជាមួយនឹងការតុបតែងដ៏គួរឱ្យស្រឡាញ់ ទាំងនំខេក ដែលមានរូបតុក្កតាឃ្យូតៗ សម្រាប់កូនប្រុសសំណព្វចិត្តរបស់នាងទាំងពីរ។
ម៉្យាងវិញទៀត បើទោះបីជា មើលទៅការរៀបចំខ្លួនរបស់នាង និងស្វាមី ព្រមទាំងកូនៗទាំងពីររបស់នាង នៅក្នុងកម្មវិធីជប់លៀងមួយនេះ មានភាពសាមញ្ញធម្មតាក៏ដោយ តែក៏បានធ្វើឲ្យបណ្ដាអ្នកគាំទ្រជាច្រើន បានមើលឃើញពីសេចក្ដីសុខ នៅក្នុងគ្រួសាររបស់នាង ដែលតែងតែមានក្ដីស្រលាញ់ចំពោះគ្នាទៅវិញទៅមក មិនចេះសាបសូន្យ ផងដែរ៕
សូមទស្សនារូបភាពខាងក្រោម៖