អូទ្រីស៖ កាលពីថ្ងៃសៅរ៍សប្ដាហ៍មុននេះ បុរសជនជាតិអូទ្រីសម្នាក់ បានចំណាយពេលជាង ២ម៉ោងនៅក្នុងទូរកញ្ចក់មួយ ដែលផ្ទុកទៅដោយដុំទឹកកកចំនួន១,៨០០គីឡូក្រាម នៅឯទីលានដ៏ធំនៃទីក្រុង Melk ប្រទេសអូទ្រីស ដើម្បីបំបែកឯតទគ្គកម្មពិភពលោកថ្មី សម្រាប់រយៈពេលវែងបំផុត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Koeberl ដែលស្លៀកតែឈុតហែលទឹក ហើយត្រាំខ្លួនក្នុងទូរកញ្ចក់ដែលពោរពេញទៅដោយទឹកកកកម្ពស់ត្រឹមស្មារ សង្ឃឹមថាការប៉ុនប៉ងលើកនេះ មិនត្រឹមតែអាចបំបែកកំណត់ត្រារបស់លោកផ្ទាល់ក្នុងរយៈពេល ២ម៉ោង និង៨នាទីកាលពីឆ្នាំមុនប៉ុណ្ណោះទេ ប៉ុន្ដែលោកថែមទាំងបានយកឈ្នះលើកំណត់ត្រាចាស់ របស់ជនជាតិចិនម្នាក់ឈ្មោះ Songhao Jin ដែលត្រាំបាន ១ម៉ោង ៥៣នាទី និង១០វិនាទី ក្នុងឆ្នាំ២០១៤ ដែលទទួលស្គាល់ជាផ្លូវការណ៍ដោយ Guinness World Record ផងដែរ។
បុរសវ័យ ៤៣ឆ្នាំរូបនេះ បានប្រាប់សារព័ត៌មាន CNN ថា នៅពេលនេះ លោកអាចធ្វើវាបានក្នុងរយៈពេល ២ម៉ោង ៣០នាទី និង៥៣វិនាទី ហើយលោកសង្ឃឹមថា ក្នុងរយៈពេលប៉ុន្មានថ្ងៃខាងមុខ លទ្ធផលនេះនឹងត្រូវទទួលស្គាល់ជាកំណត់ត្រាពិភពលោក។
លោក Koeberl បន្ដថា នៅឆ្នាំក្រោយលោកនឹងប៉ុនប៉ងបង្កើនកំណត់ត្រាបន្ថែមទៀត បើសិនអាចរកទីតាំងសមរម្យដើម្បីធ្វើវា។ ជាមួយគ្នានេះ លោកបាននិយាយយ៉ាងជឿជាក់ថា៖
សូមទស្សនារូបភាពខាងក្រោម៖