កងកម្លាំងឧទ្ធម្ភាគចក្រអាមេរិក ជួយសង្គ្រោះអ្នកបោះតង់រាប់សិបនាក់ ដែលជាប់គាំងដោយសារភ្លើងឆេះព្រៃ (មានវីដេអូ)

កាលីហ្វ័រញ៉ា៖ ​អាជ្ញាធរអាមេរិកបាននិយាយថា កងកម្លាំងឧទ្ធម្ភាគចក្របានជួយសង្គ្រោះ​ក្រុមអ្នកបោះតង់ជាង ២០០នាក់ ដែលត្រូវជាប់គាំង​ដោយសារភ្លើងឆេះ​បានវាយប្រហារ​ទៅដល់តំបន់​សម្រាកកំសាន្តដ៏ពេញនិយមមួយ នៅក្នុងរដ្ឋកាលីហ្វ័រញ៉ា។

ភ្លើងឆេះព្រៃដែលមានឈ្មោះថា គ្រីក (Creek) បានកើតឡើងកាលពីថ្ងៃសុក្រ នៅក្នុងតំបន់ព្រៃធម្មជាតិ Sierra National Forest ហើយបានឆេះរាលដាលយ៉ាងលឿនបំផុត ដែលបណ្តាលមនុស្សប្រមាណ ២០នាក់ត្រូវរងរបួសផងដែរ។

គួរជម្រាបដែរថា រដ្ឋកាលីហ្វ័រញ៉ាបានកើតមាននូវហេតុការណ៍ភ្លើងឆេះព្រៃ​ជាច្រើនដង ចាប់តាំងពីថ្ងៃទី ១៥ ខែសីហា ដែលជារឿយៗត្រូវបាន​កើតឡើងដោយសារកត្តារន្ទះ ស្របពេលដែល​​សីតុណ្ហភាព​កំពុងក្តៅខ្លាំង​៕

សូមទស្សនាវីដេអូខាងក្រោម៖