ស្នេហាក្រោយរបស់ Golf កាន់តែបែបនេះ

ថៃ៖ បន្ទាប់ពីមានទំនាក់ទំនងស្នេហាសារជាថ្មីម្ដងទៀត ឃើញថា តារាប្រុសដ៏មានប្រជាប្រិយភាព លោក Golf Pichaya និងមិត្តស្រីវ័យក្មេង ដែលជាជនជាតិរុស្ស៊ីដ៏ស្រស់ស្អាត កាន់តែមានភាពរីករាយទ្វេដង ជាមួយនឹងការ​បង្ហាញខ្លួនជារឿយៗនៅលើបណ្ដាញសង្គម ឲ្យហ្វេនៗជាច្រើនបានទស្សនាកម្សាន្តផងដែរ។

ម៉្យាងវិញទៀត គូស្នេហ៍មួយនេះ កំពុងតែត្រូវបានបណ្ដាអ្នកគាំទ្រទាំងនោះ ធ្វើការតាមដានយ៉ាងកៀកកិត ក៏ដូចជាចង់ឃើញពីទិដ្ឋភាពដ៏រ៉ូមែនទិករបស់អ្នកទាំងពីរឲ្យបានច្រើនឡើងថែមទៀត ប៉ុន្តែរឿងទាំងនោះ ពិតជាសមបំណងចំពោះហ្វេនៗជាច្រើន ខណៈពេលដែល Golf Pichaya មិនមានភាពលាក់លៀមអ្វី ព្រមនឹងបើកបង្ហាញយ៉ាងច្បាស់ៗពីឈុតឆាកដ៏ផ្អែមល្ហែមរបស់ខ្លួន និងគូស្នេហ៍។ 

នៅក្នុងនោះដែរ ត្រូវបានគេដឹងថា គូស្នេហ៍អ្នកទាំងពីរ បានទៅកម្សាន្តនៅតាមបណ្ដាខេត្ត  ដោយបានស្នាក់នៅក្នុងសណ្ឋាគារមួយកន្លែង ដោយបានបង្ហោះរូបភាពនៅក្នុងអាងទឹក ខណៈពេលដែល លោកត្រូវបានមិត្តស្រីថើបថ្ពាល់យ៉ាងល្អូកល្អើន ដែលអាចនិយាយបានថា គឺជាទិដ្ឋភាពដ៏ពិសេសបំផុត រួមទាំងរំពឹងទុកថានឹងមានដំណឹងល្អក្នុងពេលខាងមុខនេះ៕ 

សូមទស្សនារូបភាពខាងក្រោម៖