អាមេរិកខាងត្បូង៖ កាលពីថ្ងៃទី៤ ខែកញ្ញាកន្លងទៅ មានករណីប្លន់មួយបានកើតឡើង ក្នុងទីក្រុង Ambato ខណៈពេលសិស្សស្រីម្នាក់ កំពុងសិក្សាតាមប្រព័ន្ធអនឡាយ ដោយប្រើប្រាស់កម្មវិធី Zoom។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមវីដេអូឃ្លីបខ្លីមួយ បង្ហាញឲ្យឃើញថា សិស្សានុសិស្សជាច្រើនកំពុងអង្គុយសិក្សានៅពីមុខកុំព្យូទ័ររបស់ពួក ហើយក្នុងចំណោមសិស្សទាំងអស់នោះ មានសិស្សស្រីម្នាក់ ត្រូវបានរំខានដោយក្រុមចោរមួយក្រុម ចូលមកដល់ក្នុងផ្ទះរបស់នាង។ ឃើញដូច្នេះសិស្សដទៃទៀត បានផ្ដោតអារម្មណ៍ និងប្រាប់ទៅដល់គ្រូបង្រៀនរបស់ពួកគេពីអ្វីដែលខ្លួនកំពុងឃើញ។ ហើយរំពេចនោះ ក្រុមចោរក៏បានដើរចូលមកដល់ក្នុងបន្ទប់របស់សិស្សស្រី និងយកកុំព្យូទ័ររបស់នាងទៅតែម្ដង។
ជាមួយគ្នានេះដែរ គ្រូបង្រៀន បានប្រាប់ឲ្យសិស្សរបស់ខ្លួន ប្រញាប់ប្រញាល់ទំនាក់ទំនងទៅកាន់ប៉ូលិស ដើម្បីឲ្យចុះទៅដល់កន្លែងកើតហេតុផ្ទាល់ផងដែរ។
យ៉ាងណាមិញ ក្រោយពីកើតហេតុខាងលើនេះ រួចមក ប៉ូលិសបានចាប់ខ្លួនបុរសចំនួនបួននាក់ ដោយមានអ្នកស្រី Maria Paula Romo ជារដ្ឋមន្ត្រីរដ្ឋាភិបាល បានបញ្ជាក់ពីការចាប់ខ្លួននៅលើបណ្ដាញសង្គម Twitter។ ចំណែកសិស្សស្រីរងគ្រោះវិញ មិនត្រូវបានក្រុមចោរវាយធ្វើបាបឡើយ ហើយកុំព្យូទ័ររបស់នាងក៏ត្រូវបានរកឃើញ និងប្រគល់ឲ្យវិញផងដែរ៕
សូមទស្សនារូបភាពនិងវីដេអូខាងក្រោម៖