ម៉ិកស៊ីកូ៖ ក្រុមអ្នកស្រាវជ្រាវបុរាណវិទ្យាបាននិយាយថា ការធ្វើកំណាយរកឃើញគ្រោងឆ្អឹង​សត្វដំរី Mammoth យ៉ាងតិច ២០០ក្បាល នៅជិតទីក្រុងម៉ិកស៊ិកូ អាចជួយពន្យល់ពីមូលហេតុ នៃការ​ស្លាប់ផុតពូជសត្វប្រភេទនេះ។ ដំរី Mammoth ដែលជាប្រភេទសត្វមាឌនិងភ្លុកធំ ដោយខ្លះមានទាំងរោមវែងៗផងនោះ ធ្លាប់​មានវត្តមានលើផែនដីយើងអស់រយៈប្រហែល ៥លានឆ្នាំ មុនពេល​ស្លាប់ផុតពូជក្នុងរយៈពេល ៤​ពាន់ឆ្នាំចុងក្រោយ។

ឆ្អឹងដំរី Mammoth

ក្រុមអ្នកជំនាញ​នៅតែ​ធ្វើកំណាយរកឃើញឆ្អឹងនិងភ្លុកដំរី Mammoth ជាបន្តបន្ទាប់ក្នុងទីតាំងមួយ ដែលជាការដ្ឋានសាងសង់ព្រលានយន្តហោះថ្មីមួយកន្លែង ចម្ងាយប្រហែល ៥០គីឡូម៉ែត្រ ភាគខាងជើងឈៀងខាងកើតនៃទីក្រុងម៉ិកស៊ីកូ ប្រទេសម៉ិកស៊ីក។ ហើយបើយោងតាមការអង្កេតនិងការពិសោធន៍រួចមក ក្រុមអ្នកជំនាញបានរកឃើញថា សត្វដំរីទាំងនេះ អាចនឹងត្រូវបានសម្លាប់ដោយមនុស្សសម័យបុរាណ ចន្លោះពី ១ម៉ឺន ទៅ ២ម៉ឺនឆ្នាំមុន។

ឆ្អឹងដំរី Mammoth

លោក Rubén Manzanilla López ដែលជាអ្នកបុរាណវិ​ទូមកពីវិទ្យាស្ថានជាតិនរវិទ្យានិងប្រវត្តិសាស្ត្របាន​លើកឡើងដូច្នេះថា៖

Rubén Manzanilla López
ឆ្អឹង និង ភ្លុកដំរី Mammoth

គួរជម្រាបដែរថា  បច្ចុប្បន្ន ក្រុមអ្នកបុរាណវិ​ទូនៅតែបន្តស្រាវជ្រាវ និងវិភាគទៅលើគ្រោងឆ្អឹងសត្វទាំង​នេះ ដើម្បីរកឱ្យឃើញកាន់តែច្បាស់ ថាតើការផុតពូជពិតប្រាកដរបស់ពពួកសត្វដំរី Mammoth ​គឺបណ្តាលមកពីកត្តាមនុស្ស ឬ ក៏ដោយសារបុព្វហេតុនៃ​ធម្មជាតិ៕

ដំរី Mammoth បានស្លាប់ផុតពូជកាលពី ៤០០០ឆ្នាំមុន

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ