លីបង់៖ ក្រុមអ្នកជួយសង្គ្រោះមកពីប្រទេសឈីលី កំពុងស្រាវជ្រាវតាមគំនរបាក់បែកនៃអគារមួយ ក្នុងទីក្រុង បេរូត (Beirut) ប្រទេសលីបង់ ក្រោយមានសេចក្ដីរាយការណ៍ថាបានរកឃើញចង្វាក់បេះដូងលោត ដែលបានបន្ដក្ដីសង្ឃឹមក្នុងការស្វែងរកអ្នកនៅមានជីវិត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសារព័ត៌មាន Daily Mail បានចុះផ្សាយថា សញ្ញាជីពចរត្រូវបានរកឃើញកាលពីថ្ងៃព្រហស្បតិ៍ ដោយសុនខហិតក្លិនរបស់ក្រុមអ្នកជួយសង្គ្រោះរបស់ឈីលី ពេលក្រុមកំពុងធ្វើដំណើរក្នុងផ្លូវមួយ ក្នុងចំណោមតំបន់រងគ្រោះខ្លាំងបំផុត។ បន្ទាប់មក ពួកគេបានប្រើប្រាស់ឧបករណ៍រាវ.រកសំឡេងសម្រាប់សញ្ញា ឬ ចង្វាក់បេះដូង ហើយបានរកឃើញអ្វីម៉្យាងអាចជាជីពចរ ដែលលោតពី១៨ ទៅ ១៩ ដងក្នុងមួយនាទី។
យ៉ាងណាមិញ ប្រភពដើមនៃសញ្ញាជីពចរ មិនអាចគេដឹងភ្លាមៗនោះទេ ប៉ុន្ដែវាបានបង្កើតឲ្យមានការរុករកដ៏ស្មុគស្មាញមួយ និងបង្កើនក្ដីសង្ឃឹមថ្មីផងដែរ។ ហើយទោះបីមានសង្ឃឹមតិច ដែលអាចរកឃើញអ្នកនៅរស់ បន្ទាប់ពីករណីផ្ទុះបានកើតឡើងតាំងពីជាងមួយខែមុនមកក៏ដោយ តែអ្នកស្ម័គ្រចិត្ដជនជាតិឈីលីម្នាក់បាននិយាយថា ឧបករណ៍របស់ពួកគេបានរកឃើញសញ្ញានៃមនុស្សម្នាក់។
គួររម្លឹកថា ករណីផ្ទុះឃ្លាំងស្ដុកសារធាតុគឺមីអាម៉ូញ៉ូមនីត្រាត ជាង ២,៧០០តោន នៅតំបន់កំពង់ផែ បានកើតឡើងកាលពីថ្ងៃទី០៤ ខែសីហា ដោយសម្លាប់មនុស្សចំនួន ១៩១នាក់ និងរបួសជាង ៦,០០០នាក់ ខណៈសំណង់អគារជាច្រើនរងការខូចខាត៕
សូមទស្សនារូបភាព និងវីដេអូខាងក្រោម៖