លីបង់៖ យោធាលីបង់នៅថ្ងៃព្រហស្បតិ៍នេះបានរកឃើញអាម៉ូញ៉ូមនីត្រាតច្រើនជាងបួនតោន នៅជិតកំពុងផែបៃរូតដែលជាកន្លែងផ្ទុះដ៏សាហាវ និងបានសម្លាប់មនុស្សជិត២០០នាក់ កាលពីខែមុន។ យោធាបាននិយាយថា អ្នកជំនាញផ្នែកយោធាត្រូវបានកោះហៅឲ្យធ្វើការត្រួតពិនិត្យ ហើយបានរកឃើញសារធាតុគីមីគ្រោះថ្នាក់នៅក្នុងកុងតឺន័រចំនួន៤ នៅជិតកំពង់ផែ។ មិនមានព័ត៌មានលម្អិតអំពីប្រភពដើមនៃសារធាតុគីមី ឬម្ចាស់របស់វាទេ។

អាម៉ូញ៉ូមនីត្រាត

យោធាបាននិយាយថា មន្ត្រីគយបានកោះហៅកងទ័ព ដើម្បីត្រួតពិនិត្យកុងតឺន័រនៅរោងចក្រមួយ ក្បែរកំពង់ផែដែលពួកបានរកឃើញអាម៉ូញ៉ូមនីត្រាត។ របាយការណ៍នោះបាននិយាយថា ក្រុមអ្នកជំនាញយោធាកំពុងដោះស្រាយជាមួយសារធាតុទាំងនេះ ដែលជាក់ស្ដែងឯកសាររបស់វាត្រូវបានគេបំផ្លាញ។

ការផ្ទុះកក្រើកនៅរដ្ឋធានីបៃរូត ប្រទេសលីបង់

ប្រធានកំពង់ផែគឺលោក Bassem al-Qaisi បានប្រាប់អ្នកយកព័ត៌មានថា មានកុងតឺន័រចំនួន៤៣ដែលផ្ទុកនូវវត្ថុងាយឆេះ ដែលនៅសល់នៅក្នុងតំបន់ ដោយបន្ថែមថាកងទ័ពកំពុងប្រឹងប្រែងអស់ពីសមត្ថភាព ដើម្បីរក្សាទុកកុងតឺន័រទាំងនោះឲ្យមានសុវត្ថិភាព។

ប៉ុន្មានថ្ងៃបន្ទាប់ពីការផ្ទុះកាលពីថ្ងៃទី៤ ខែសីហា អ្នកជំនាញគីមីបារាំងនិងអ៊ីតាលី ដែលកំពុងធ្វើការនៅឯកំពង់ផែនេះ បានកំណត់អត្តសញ្ញាណកុងតឺន័រច្រើនជាង២០ ដែលមានផ្ទុកសារធាតុគីមីគ្រោះថ្នាក់។ កងទ័ពបាននិយាយថា ក្រោយមកកុងតឺន័រទាំងនោះត្រូវបានរើ និងរក្សាទុកដោយសុវត្ថិភាព នៅទីតាំងឆ្ងាយពីកំពង់ផែ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ