ថៃ៖ នៅក្នុងវិស័យកម្សាន្តថៃ សង្កេតឃើញថាមានតារាប្រុសស្រីជាច្រើនរូបបានស្រលាញ់គ្នា ក្រោយពីបានធ្វើការរួមគ្នា ឬសម្តែងជាមួយគ្នា។ ដោយឡែកក្រឡេកមកមើលតារាប្រុសស្រីទាំង ៣គូនេះវិញក្រោយពីសម្តែងជាមួយគ្នារួចមក ទៅជាហ្វេនៗផ្គូផ្គងឲ្យស្រលាញ់តែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. Kem Hussawee និង Mookda Narinrak
តារាប្រុសលោក Kem និងកញ្ញា Mookda បានចាប់ដៃគូគ្នាសម្តែងនៅក្នុងរឿងភាគថ្មីរបស់ទូរទស្សន៍ប៉ុស្តិ៍លេខ៧។ នៅក្នុងរឿងភាគមួយដែលមានចំណងជើង “So Wayree” គឺពួកគេពិតជាសម្តែងស៊ីចង្វាក់គ្នាបានល្អ ទើបធ្វើឲ្យអ្នកគាំទ្រជាច្រើនចង់ឲ្យពួកគេស្រលាញ់គ្នា។
២. Pon Nawasch និង Bua Nalinthip
លោក Pon និង Bua បានចាប់ដៃគូគ្នាសម្តែងជាលើកដំបូងនៅក្នុងរឿងភាគរបស់ប៉ុស្តិ៍ទូរទស្សន៍ ដែលរឿងនោះមានចំណងជើងថា “Tra Barb See Chompoo”។ មិនតែប៉ុណ្ណោះ សម្រាប់ឆ្នាំនេះតារាសម្តែងទាំងពីរ ក៏មានរឿងភាគថ្មីមួយទៀត ដែលមានចំណងជើងថា “Praomook”។
៣. Film Thanapat និង Bifern Anchasa
ចំណែកលោក Film និងកញ្ញា Bifern បានធ្វើការសម្តែងរួមគ្នាចំនួន ២ដង។ ហើយសម្រាប់រឿងទាំងពីរនោះគឺមានចំណងជើងថា “Poot Pitsawat” និង “Ruk Laek Pop”។ ក្រោយពីចាប់ដៃគូសម្តែងជាមួយគ្នារួចមក ហ្វេនៗជាច្រើនចង់ឲ្យតារាទាំងពីររូបនេះស្រលាញ់គ្នាមែនទែន ដូចគូស្នេហ៍តារាថៃផ្សេងៗទៀតផងដែរ៕