ការផ្ទេររបស់ខ្សែប្រយុទ្ធសញ្ជាតិអ៊ុយរ៉ាហ្គាយកីឡាករ Luis Suarez ទៅកាន់ក្លិបដែលមានមូលដ្ឋាននៅទីក្រុង Turin ត្រូវបានគេនិយាយថាបានព្រមព្រៀងគ្នារួចរាល់ហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមរយៈសារព័ត៌មាន La Gazzetta dello Sport បានឱ្យដឹងថាខ្សែប្រយុទ្ធសញ្ជាតិអ៊ុយរ៉ាហ្គាយរូបនេះធ្លាប់បានខាំស្មាកីឡាករ Chiellini អំឡុងពេលក្រុមរបស់ពួកគេប៉ះទង្គិចគ្នាក្នុងព្រឹត្តិការណ៍ World Cup ឆ្នាំ ២០១៤ ។
ក្រោយមកកីឡាករទាំងពីរបានអាក់អន់ចិត្តនឹងគ្នាចំពោះឧប្បត្តិហេតុនេះ ប៉ុន្តែស្រាប់តែពេលនេះ Suarez បានទាក់ទងតាមទូរស័ព្ទទៅ Chiellini ម្តងទៀតអំពីរឿងនេះ ព្រោះថាកីឡាករទាំងពីរអាចនឹងក្លាយជាមិត្តរួមក្រុមនឹងគ្នាក្នុងពេលដ៏ខ្លីខាងមុខនេះ។
គួរឱ្យដឹងផងដែរថា ពេលនេះ Suarez មិនទទួលបាននូវការស្វាគមន៍ទៀតទេនៅ Camp Nou បន្ទាប់ពីការតែងតាំងគ្រូបង្វឹកថ្មីលោក Ronald Koeman ហើយមើលទៅអាចនឹងត្រូវចូលរួមជាមួយ Juventus នៅប៉ុន្មានសប្តាហ៍ក្រោយនេះ ដោយសារព័ត៌មាន La Gazzetta ក៏បានបន្ថែមថា ខ្សែប្រយុទ្ធវ័យ ៣៣ ឆ្នាំរូបនេះនឹងចុះកិច្ចសន្យាតម្លៃ ១០ លានផោនក្នុងមួយឆ្នាំបន្ទាប់ពីបង់ពន្ធដែលស្មើនឹងប្រាក់ពលកម្មបច្ចុប្បន្នរបស់គាត់នៅ Barca ៕
ប្រភព៖ Tribuna