ក្រោយបាន ៩លាន Follower ភ្លាម Kimberley បង្ហោះសារអរគុណដល់អ្នកគាំទ្របែបនេះ

ថៃ៖ តារាសម្តែងស្រី Kimmy Kimberley ជាតារាស្រីដ៏ល្បីល្បាញទាំងក្នុងប្រទេសថៃ និងបណ្តាប្រទេសជាច្រើន​ទៀត​ ដោយសារតែទេពកោសល្យ សមត្ថភាពសម្តែងយ៉ាងល្អឥតខ្ចោះរបស់នាង ទើបធ្វើឲ្យប្រជាប្រិយភាពពីមួយឆ្នាំទៅមួយឆ្នាំតារាស្រីរូបនេះ នៅតែទទួលបានការចាប់អារម្មណ៍ខ្លាំងពីសំណាក់មហាជនដដែល។
គួរឱ្យដឹងផងដែរថា តារាស្រីរូបនេះមានវ័យ ២៨ឆ្នាំ គឺបានចូលប្រឡូកក្នុងវិស័យសិល្បៈតាំងពីឆ្នាំ ២០១០ មកម្ល៉េះ បើគិតមកទល់នឹងពេលនេះគឺមានរយៈពេលនេះគឺមានរយៈពេលជាង ១០ឆ្នាំមកហើយ។
ជាក់ស្តែង កាលពីម្សិលមិញនេះ តារាសម្តែងស្រីរូបនេះ បានបង្ហោះរូបមួយសន្លឹកជាមួយគូស្នេហ៍នៅក្នុងអាងទឹក ថែមទាំងសរសេរយ៉ាងដូច្នេះថា “សូមថ្លែងអំណរអរគុណដល់អ្នក Follow ចំនួន ៩លាននាក់ក្នុងគណនី Instagram របស់នាង។ ពិតអរគុណសម្រាប់ការស្រលាញ់ និងគាំទ្រដល់រូបនាងផងដែរ”៕
សូមទស្សនារូបភាពខាងក្រោមនេះ៖