យូរៗស្វីតម្ដង Shakira និងសង្សារ លេងមួយអស់ដៃលើកោះម៉ាឌីវ

ម៉ាឌីវ៖​ តាមរយៈគណនីបណ្តាញសង្គមរបស់តារាចម្រៀងស្រី Shakira បានបង្ហោះរូបភាពប៉ុន្មានសន្លឹកជាមួយកីឡាករបាល់ទាត់ជាខ្សែរការពាររបស់ Bacelona ដែលមានឈ្មោះថា Gerrad Pique យ៉ាងរំភើយនិង មានសេចក្តីសុខ នៅឯឆ្នេរសមុទ្រផងដែរ។

ដោយឡែក តារាស្រីរូបនេះ ជាមួយនឹងសង្សារ បានបង្ហោះរូបភាពចូលក្នុងបណ្តាញសង្គម Instagram ដែលបង្ហាញពីដំណើរកម្សាន្ត ទៅកាន់កោះ​ ម៉ាឌីវ  ជាមួយនឹងកូនពីរនាក់ នៅក្នុងថ្ងៃវិស្សមកាល ដោយបង្ហាញទឹកមុខ សើច សប្បាយ កក់ក្តៅយ៉ាងខ្លាំង ដោយទទួលបានការចុច Like ពីសំណាក់មហាជនរហូតទៅដល់ជិត៤លាននាក់។

ជាងនេះទៅទៀត តារាស្រីរូបនេះ ក៏បាននិយាយសរសើរអំពីទេសភាពនៅលើកោះមួយនេះដែរ ដោយពួកគេបានជ្រើសយកកន្លែងសម្រាកមានឈ្មោះថា Waldorf Astoria Maldives Ithaafushi ដែលចាត់ទុកជាកន្លែងដែលមានតម្លៃខ្លាំងគួរសមដែរ។ 

ក្រោយពីបានឃើញ ដូច្នេះរួចមក ហ្វេនជាច្រើនក៏សម្តែងក្តីស្រលាញ់តាមរយៈការបញ្ចេញមតិលេងសើចជាច្រើនផងដែរនិង មានហ្វេនខ្លះក៏បាននិយាយរបៀបលេង ថាពួកគេមានចិត្តច្រណែននឹងតារាមួយគូនេះណាស់ ដោយតែងតែបង្ហាញភាពផ្អែមល្អែម ដាក់បណ្តាញសង្គមយ៉ាងនេះ៕

សូមចូលមើលរូបភាពខាងក្រោម៖